Կառուցվել են «Մեծամոր» պատմահնագիտական արգելոց-թանգարան տանող ճանապարհի մայթերը
2020 թվականին ՀՀ պետական բյուջեի միջոցներով կատարվել է «Մեծամոր» պատմահնագիտական արգելոց-թանգարան տանող ճանապարհի մայթերի կառուցումը։ Ճանապարհն անցնում է Արմավիրի մարզի Տարոնիկ գյուղով: 4,1 կմ երկարությամբ ճանապարհահատվածի հիմնանորոգումն իրականացվել էր դեռևս 2019 թվականին։ Ճանապարհն անմխիթար վիճակում էր գտնվում, այն երբեք չէր նորոգվել, ինչն էլ խոչընդոտում էր, որպեսզի մարդիկ թանգարան այցելեին։
2020 թվականին ճանապարհի աջ և ձախ կողմերում 1,143 կմ ընդհանուր երկարությամբ մայթերի կառուցմամբ էլ ամբողջացվել է դեպի արգելոց-թանգարան տանող ճանապարհի բարեկարգումը։
Այս ճանապարհահատվածի հիմնանորոգումը կարևոր խթան է Արմավիրի մարզում զբոսաշրջությունը զարգացնելու տեսանկյունից. արգելոց-թանգարանն իր պատմաճարտարապետական նշանակությամբ բացառիկ է և այցելուների շրջանում մեծ հետաքրքրություն է առաջացնում:
Մայթերի կառուցման աշխատանքներն իրականացրել է «Հիպերնովա» ՍՊԸ-ն, իսկ շինաշխատանքների տեխնիկական վերահսկողությունը՝ «Egis International» և «Սուֆետ» ընկերությունները։
Վերջին նորությունները
Կատարվում է Բագրատաշենի նոր կամրջի հիմքերի ամրանավորում և բետոնացում
13-09-2021Հայաստանի և Վրաստանի միջև պետական սահմանի Սադախլո-Բագրատաշեն անցման կետի տարածքում` Դեբեդ գետի վրա, նոր կամրջի շինարարության աշխատանքներն ակտիվ ընթացքի մեջ են։
Կարդալ ավելինՄիջին նորոգման աշխատանքներ՝ Հ-45 (Մ-2)-Շաքի-Սիսիան-Դաստակերտ-Ցղունի ավտոճանապարհի 3.7 կմ հատվածում
09-09-2021Ճանապարհահատվածում կատարվում են ճանապարհային ծածկի ֆրեզավորման, փոշեզրկման աշխատանքներ։ Որոշ հատվածներում սկսվել է ասֆալտբետոնե ծածկի տեղադրումը։
Կարդալ ավելինՀիմնանորոգվում է Հ-75, Մ-9-Իսահակյան-Գյումրի-Մ-7 հանրապետական նշանակության ավտոճանապարհի 2.5կմ հատվածը
08-09-2021Հիմնանորոգման շրջանակներում նախատեսված են հողային աշխատանքներ, իջատեղերի, մուտքերի, կողնակների, մայթերի կառուցում, երկշերտ ասֆալտբետոնե ծածկի տեղադրում, կամրջի նորոգում և այլն։
Կարդալ ավելին