Կազմակերպվել է FIDIC պայմանագրերի կիրառականության մասին դասընթաց

11-06-2021
Հունիսի 10-ից 11-ը Մ-6, Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակում տեխնիկական հսկողություն իրականացնող «Սաֆեժ ՍԱՍ և Հիլլ Ինտերնեյշընըլ» համատեղ ձեռնարկությունը կազմակերպել էր FIDIC պայմանագրերի կիրառականության մասին դասընթաց։ Մասնակցում էին «Սաֆեժ ՍԱՍ և Հիլլ Ինտերնեյշընըլ»-ի, «Ճանապարհային դեպարտամենտ» ՊՈԱԿ-ի ներկայացուցիչներ: Դասընթացի նպատակն էր աջակցել պայմանագրերի կառավարման հիմնական սկզբունքներին և պահանջներին՝ ապահովելու ծրագրերի սահուն իրականացումն ու առավելագույնի հասցնելու ծրագրերի արդյունավետությունը:
 
Երկօրյա դասընթացների մասնակիցներն անդրադարձան FIDIC-ի հիմնական դրույթներին, պայմանագրերի տեսակներին, մրցույթների անցկացման գործընթացին, վեճերի կառավարման նրբություններին, FIDIC պայմանագրերում 2017թ. կատարված փոփոխություններին ու խմբագրումներին։ Արծարծվեցին ռիսկերի գնահատման, ինչպես նաև բազմաթիվ այլ թեմաներ։ Կայացան քննարկումներ, դասընթացավարը պատասխանեց մասնագետներին հուզող հարցերին։

 

Վերջին նորությունները

Կատարվում է Բագրատաշենի նոր կամրջի հիմքերի ամրանավորում և բետոնացում

13-09-2021

Հայաստանի և Վրաստանի միջև պետական սահմանի Սադախլո-Բագրատաշեն անցման կետի տարածքում` Դեբեդ գետի վրա, նոր կամրջի շինարարության աշխատանքներն ակտիվ ընթացքի մեջ են։

Կարդալ ավելին

Միջին նորոգման աշխատանքներ՝ Հ-45 (Մ-2)-Շաքի-Սիսիան-Դաստակերտ-Ցղունի ավտոճանապարհի 3.7 կմ հատվածում

09-09-2021

Ճանապարհահատվածում կատարվում են ճանապարհային ծածկի ֆրեզավորման, փոշեզրկման աշխատանքներ։ Որոշ հատվածներում սկսվել է ասֆալտբետոնե ծածկի տեղադրումը։

Կարդալ ավելին

Հիմնանորոգվում է Հ-75, Մ-9-Իսահակյան-Գյումրի-Մ-7 հանրապետական նշանակության ավտոճանապարհի 2.5կմ հատվածը

08-09-2021

Հիմնանորոգման շրջանակներում նախատեսված են հողային աշխատանքներ, իջատեղերի, մուտքերի, կողնակների, մայթերի կառուցում, երկշերտ ասֆալտբետոնե ծածկի տեղադրում, կամրջի նորոգում և այլն։

Կարդալ ավելին