Տեղի ունեցավ բնապահպանական և սոցիալական անվտանգության թեմաներով առցանց դասընթաց

01-02-2022
Ասիական զարգացման բանկի (ԱԶԲ) նախաձեռնությամբ անցկացվել է շինաշխատանքների ընթացքում բնապահպանական և սոցիալական անվտանգության թեմաներով առցանց դասընթաց։ Մասնակցում էին ԱԶԲ ֆինանսավորմամբ ծրագրեր իրականացնող կազմակերպությունների, տեխնիկական վերահսկողություն կատարող, շինարարական ընկերությունների ներկայացուցիչներ։
 
Դասընթացի բացման խոսքում ԱԶԲ Կենտորոնական և Արևմտյան Ասիայի վարչության բնապահպանության մասնագետ Արմինե Եդիգարյանը նշեց, որ բանկի կողմից պարբերաբար կազմակերպվում են կարողությունների զարգացման դասընթացները։ Նա վստահություն հայտնեց, որ երկօրյա հանդիպման ընթացքում մասնակիցները ձեռք կբերեն նոր հմտություններ ու գիտելիքներ, որոնք կկարողանան կիրառել իրենց ծրագրերի ընթացքում և կբարձրացնեն աշխատանքի արդյունավետությունը։
 
Դասընթացները վարում էին ԱԶԲ հայաստանյան գրասենյակի բնապահպանական անվտանգության հարցերով խորհրդատու Տիգրան Օգանեզովը, «Ճանապարհային դեպարտամենտ» հիմնադրամի բնապահպանության ազդեցությունների կառավարման ծառայության ղեկավար Արմեն Բոդոյանը, “EGIS”-ի բնապահպանության և անվտանգության մասնագետ Էդիտա Վարդգեսյանը։
 
Առցանց հանդիպման ընթացքում ներկայացվեցին ԱԶԲ անվտանգության մեխանիզմների քաղաքականությունը, ծրագրերի իրականացման ընթացքում բնապահպանության մասնագետների դերն ու պարտականությունները, բնապահպանական կառավարման պլանի պատրաստման առանձնահատկությունները, շինարարության ընթացքում մոնիթորինգի, տեղամասի վերահսկողության և աուդիտի հետ կապված հարցեր։ Խոսվել է նաև շինհրապարակում COVID-19-ի կանխարգելման մասին։ Բանախոսները պատասխանել են նաև դասընթացի մասնակիցներին հետաքրքրող հարցերին։

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին