ՀՀ ՏԿԵ նախարար Գնել Սանոսյանը և «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը Սյունիքի մարզում հետևում են ճանապարհաշինական աշխատանքների ընթացքին։ Վերջիններս ծանոթացել են Տ-8-93, Լծեն-Տաթև ավտոճանապարհի վերակառուցման ընթացքին։

 

Տեղեկացնենք, որ այս ճանապարհի ընդհանուր երկարությունը 19.9կմ է։ Այն վերակառուցվում է 2 կապալառու կազմակերպությունների՝ «Քարավան» և «Ա․Ա․Բ․ Պրոեկտ» ՍՊԸ-ների կողմից։ «Քարավան» ՍՊԸ-ն 9.5 կմ հատվածում իրականացրել է հողային պաստառի կառուցման աշխատանքներ։ Այս պահին կատարում է ճանապարհի պրոֆիլավորման, արհեստական կառուցվածքների կառուցման, ավազակոպճային շերտի տեղադրման աշխատանքներ։ «Ա․Ա․Բ․ Պրոեկտ» ՍՊԸ-ի կողմից 6.7 կմ հատվածում կատարվել են հողային պաստառի կառուցման աշխատանքներ։

 

Նախարարը և Ճանապարհային դեպարտամենտի գործադիր տնօրենը շինարարների և տեխնիկական հսկողությունն իրականացնող կազմակերպության ներկայացուցիչների հետ քննարկումներում շեշտադրել են շինաշխատանքների կատարման ժամկետների և որակի հետ կապված հարցեր։

 

Նշենք, որ Տաթև-Լծեն 19.9կմ հատվածը վերակառուցելով՝ հնարավորություն է ստեղծվում շրջանցել Մ-2-Տաթև-Աղվանի-Մ-2 ավտոճանապարհի 6կմ երկարությամբ ոլորանները։