Հանդիպում «Մոսմետրոստրոյ» ընկերության ներկայացուցիչների հետ

01-07-2022
ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը, «Ճանապարհային դեպարտամենտ» հիմնադրամի գործադիր տնօրենի տեղակալներ Նարեկ Զուլալյանը և Սերժիկ Պետրոսյանը հանդիպել են ռուսաստանյան «Մոսմետրոստրոյ» («Мосметрострой») ընկերության ներկայացուցիչների հետ։
 
Հանդիպման ընթացքում «Մոսմետրոստրոյ» ընկերության գլխավոր տնօրեն Սերգեյ Ժուկովը, ներկայացնելով իր գլխավորած կազմակերպությունը, ընդգծել է, որ այն հիմնադրվել է 1931 թվականին և բազմապրոֆիլ շինարարական կազմակերպություն է, որը զբաղվում է մետրոյի, երկաթգծերի, ավտոճանապարհային ենթակառուցվածքների, այդ թվում թունելների շինարարությամբ։ Այն աշխատանքներ է տարել և տանում ոչ միայն Ռուսաստանի Դաշնությունում, այլև նրա սահմաններից դուրս՝ Իսրայել, Սերբիա, Հնդկաստան, Չեռնոգորիա։
 
Փոխնախարար Արմեն Սիմոնյանը հյուրերին ներկայացրել է Հայաստանում իրականացվող տրանսպորտային խոշոր ենթակառուցվածքային ծրագրերը՝ Երևանում կառուցվելիք մետրոյի նոր կայարան, ճանապարհաշինական աշխատանքներ և այլն։
 
Ճանապարհային դեպարտամենտի գործադիր տնօրենի տեղակալ Նարեկ Զուլալյանն անդրադարձել է ՀՀ պետական բյուջեի և վարկային միջոցներով իրականացվող ճանապարհաշինական աշխատանքներին։ Նա տեղեկացրել է, որ հատկապես վերջին տարիներին մեծ ծավալներ են ստացել ճանապարհաշինական աշխատանքները՝ միայն ՀՀ պետական բյուջեի հատկացումներով հանրապետությունում նորոգելով տարեկան մոտ 500 կմ ավտոճանապարհ։ Նա նաև ներկայացրել է Հյուսիս-հարավ ճանապարհային միջանցքի ներդրումային ծրագիրը՝ ընդգծելով, որ լայնածավալ աշխատանքներ են սպասվում ճանապարհային միջանցքի հարավային՝ Սիսիան-Քաջարան և Քաջարան-Ագարակ հատվածներում։
 
Հանդիպման ընթացքում կողմերը քննարկել են տրանսպորտային ոլորտում համագործակցության հնարավորությունները։ Պայմանավորվածություն է ձեռք բերվել տեղեկատվության փոխանակման շուրջ։

 

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին