«Ճանապարհային դեպարտամենտ» հիմնադրամի գործադիր տնօրենի տեղակալ Նարեկ Զուլալյանը և հիմնադրամի մասնագետները հանդիպում են ունեցել Ասիական զարգացման բանկի (ԱԶԲ) և Վերակառուցման և զարգացման եվրոպական բանկի ներկայացուցիչների հետ։ Քննարկման հիմնական թեման Հյուսիս-հարավ ճանապարհային միջանցքի ներդրումային ծրագրի իրականացման շրջանակներում սոցիալական ազդեցություններն ու ճանապարհի առանձին հատվածներում հողերի օտարման և տարաբնակեցման հարցերն էին։ Կողմերը մանրամասն անդրադարձել են Հյուսիս-հարավ ճանապարհի տարբեր տրանշներում հողերի օտարման և տարաբնակեցման գործընթացին, նշվել է, որ այս համատեքստում Ճանապարհային դեպարտամենտը համագործակցում է Կադաստրի կոմիտեի հետ։ Արծարծվել են նաև այլ հարցեր։

 

Հիմնադրամի և ԱԶԲ պատվիրակներն այս օրերին այցելում են առանձին ճանապարհահատվածներ՝ տեղում քննարկելու ճանապարհաշինական ծրագրերի սոցիալական ազդեցությունները։