Տրանսպորտային ծրագրերի իրականացման կազմակերպությունում տեղի է ունեցել հանդիպում Համաշխարհային բանկի (ՀԲ) պատվիրակության հետ: ՀԲ պատվիրակությունը Հայաստանում է Կենսական նշանակության ճանապարհացանցի բարելավման ծրագրի իրականացման աջակցության առաքելությամբ: Տրանսպորտի ավագ մասնագետ Նարգիզ Ռիսկուլովան, որ ավարտում է իր առաքելությունը Հայաստանում, ներկայացրեց հայաստանյան թիմի պաշտոնավորումը ստանձնող, տրանսպորտի ավագ մասնագետ Միցույոշի Ասադային:

Հանդիպման ընթացքում քննարկվեց ԿՆՃ բարելավման ծրագրի լրացուցիչ ֆինանսավորման ծրագրի ընթացքը: Ճշգրտվեց առաջիկա օրերին աշխատանքային օրակարգը: Պատվիրակության ներկայացուցիչները կայցելեն նաև ԿՆՃ բարելավման ծրագրի շրջանակներում վերականգնված ճանապարհահատվածներ: