«Ճանապարհային դեպարտամենտ» հիմնադրամում 2023թ. երրորդ եռամսյակում մուտքագրվել է 2873 դիմում և գրություն‚ նախորդ տարի նույն ժամանակաշրջանում այդ թիվը 2288 էր։

Դիմում-գրությունները ստացվել են փոստային տարբերակով (էլեկտրոնային և թղթային), ինչպես նաև՝ էլեկտրոնային կառավարման «Mulberry» համակարգով։

Հարցումներին, դիմումներին և գրություններին հիմնադրամն ընթացք է տվել իր լիազորությունների շրջանակում, օրենսդրությամբ սահմանված կարգով և ժամկետներում։

«Ճանապարհային դեպարտամենտ» հիմնադրամում 2023թ. երրորդ եռամսյակում արձանագրվել է 1163 ելքային գրություն։ 2022 թվականի երրորդ եռամսյակում ելքային գրությունների թիվը 1098 էր:

2023թ. երրորդ եռամսյակում «Ճանապարհային դեպարտամենտ» հիմնադրամի Թեժ գծի հեռախոսահամարին ստացվել է 78 զանգ, որոնց նույնպես տրվել են անհրաժեշտ պարզաբանումներ կամ պատասխաններ։