Բացվեցին տեխհսկողության ծառայությունների ձեռքբերման մրցույթի 2-րդ փուլ անցած կազմակերպությունների ֆինանսական առաջարկները

03-09-2020

«Ճանապարհային դեպարտամենտ» ՊՈԱԿ-ում տեղի է ունեցել Համաշխարհային բանկի ֆինանսավորմամբ իրականացվող Կենսական նշանակության ճանապարհային ցանցի բարելավման երկրորդ լրացուցիչ ֆինանսավորում ծրագրի շրջանակում հայտարարված ճանապարհների հիմնանորոգման աշխատանքների տեխնիկական հսկողության ծառայությունների ձեռքբերման միջազգային մրցույթի գնահատման արդյունքներով հաջորդ փուլ անցած 5 կազմակերպությունների ֆինանսական  առաջարկների բացման նիստը։

Մրցույթի շրջանակում հետաքրքրվածության հայտեր էին ներկայացրել 20 կազմակերպություններ։ Համաձայն Համաշխարհային բանկի ուղեցույցներով սահմանված կանոնների՝ տեխնիկական առաջարկների գնահատումից հետո 5 կազմակերպություններ հավաքել էին անհրաժեշտ սահմանային շեմից (75 միավոր) ավելի միավորներ։

Ֆինանսական  առաջարկների բացումից հետո կստուգվի տվյալների ճշգրտությունը‚ այնուհետև կկատարվի թվաբանական գնահատում։ Տեխնիկական գնահատման միավորից վերցվելու է 80 տոկոսը‚ իսկ ֆինանսականից՝ 20 տոկոսը‚ որոնց համադրման արդյունքում կորոշվեն ընկերությունների ստացած միավորները։ Արդյունքները Համաշխարհային բանկի կողմից հաստատվելուց հետո այն ընկերությունը‚ որը կգրավի առաջին հորիզոնականը‚ կտեղեկացվի և կհրավիրվի պայմանագրային բանակցությունների։  

Նիստին ներկա էին ինչպես հանձնաժողովի անդամները‚ այնպես էլ երկրորդ փուլ անցած բոլոր 5 կազմակերպությունների ներկայացուցիչները։

 

Վերջին նորությունները

Հիմնանորոգվել են Հրազդանի մի քանի փողոցներ

30-11-2022

«Ճանապարհային դեպարտամենտ» հիմնադրամի գործադիր տնօրենի տեղակալ Սերժիկ Պետրոսյանը և հիմնադրամի այլ ներկայացուցիչներ այցելել են Հրազդան և ուսումնասիրել կատարված աշխատանքները։

Կարդալ ավելին

Հանրային իրազեկման հանդիպումներ Արագածոտնի մարզում

30-11-2022

Նախատեսված են հանդիպումներ ազդակիր համայնքներում։

Կարդալ ավելին