Հյուսիս-հարավ ճանապարհային միջանցքի ներդրումային ծրագրի շրջանակներում Թալինի հարակից տարածքում իրականացվել է ծառատունկ

03-11-2018

«Տրանսպորտային ծրագրերի իրականացման կազմակերպություն» ՊՈԱԿ-ի, Հյուսիս-հարավ ճանապարհային միջանցքի Տրանշ-3-ի կառուցումն իրականացնող «Սինոհիդրո Քորփորեյշն» ընկերության, «Էյ Թի Փի» բարեգործական հիմնադրամի ներկայացուցիչները, աշակերտներ Թալին համայնքից, կամավորներ Թալինի հարակից տարածքում իրականացրին ծառատունկ։ Տնկվեց ավելի քան 580 ծառ, որից 150-ը՝ դեկորատիվ, մյուսները՝ պտղատու: Տնկված ծառատեսակներն են՝ բարդի, հացենի, խնձորենի, ծիրանենի, ընկուզենի, նշենի։

Նշենք, որ համաձայն Հյուսիս-հարավ ճանապարհային միջանցքի ներդրումային ծրագրի Տրանշ 3-ի շրջակա միջավայրի վրա ազդեցության գնահատման հաշվետվության մեղմացուցիչ միջոցառումների` պահանջվում է ճանապարհի շինարարության ընթացքում հատված յուրաքանչյուր ծառի փոխարեն տնկել 10-ը։ Ծառատունկից հետո 3 տարի շարունակ «Էյ Թի Փի» բարեգործական հիմնադրամը, «Սինոհիդրո Քորփորեյշն» ընկերության հետ կնքված պայմանագրի պահանջներին համապատասխան, պետք է իրականացնի տնկիների խնամք։

«Էյ Թի Փի» բարեգործական հիմնադրամի ծրագրերի համակարգող Արթուր Հարությունյանը նշում է. «Ծառատունկը կազմակերպվել է Հյուսիս-հարավ ճանապարհային միջանցքի ներդրումային ծրագրի շրջանակներում, սակայն խորհրդակցեցինք նաև Թալինի քաղաքապետարանի հետ, որը նպատակահարմար գտավ այս տարածքում պտղատու այգի տնկել։ Եվ հաշվի առնելով տարածքի բնակլիմայական պայմանները՝ ընտրեցինք այն ծառատեսակները, որոնք կարող են այստեղ աճել։ Ինչ վերաբերում է ծառերի խնամքին, ապա ջրագիծ է անցկացվելու, որպեսզի ոռոգման խնդիր չլինի։ Տարածքը նաև ցանկապատվելու է։ Երեք տարի շարունակ այգին մեր հսկողության ներքո է լինելու»,- ասաց Արթուր Հարությունյանը։

Թալին համայնքի ղեկավար Սարգիս Արամյանը նշում է, որ ուրախ է քաղաքին հարակից տարածքում հանրային այգի հիմնելու առթիվ՝ նշելով, որ իրենք նույնպես խնամելու են տնկիները։

Տրանսպորտային ծրագրերի իրականացման կազմակերպության բնապահպանական ազդեցությունների կառավարման ծառայության ղեկավար Գևորգ Աֆյանը տեղեկացրեց, որ նշված տարածքում հատվել է 32 ծառ, որի փոխարեն, ծրագրի պահանջների համաձայն, տնկվում է 320 ծառ, իսկ մնացած 260-ը տնկվում է համայնքի և «Էյ Թի Փի» բարեգործական հիմնադրամի միջև ձեռք բերված պայմանավորվածության շնորհիվ։ Այս տարվա գարնանը Հյուսիս-հարավ ճանապարհային միջանցքի Տրանշ-3 հատվածում՝ Մարալիկ բնակավայրի սահմաններում (Լանջիկ-Հայրենյաց ճանապարհահատվածին կից), տնկվել է նաև 1200 ծառ և թուփ։

 

 

 

 

 

 

Վերջին նորությունները

Վերականգնվում է Մ-1-Ներքին Սասնաշեն-Մեծաձոր մոտ 9.8 կմ երկարությամբ ճանապարհահատվածը

07-05-2021

Այս պահին կապալառու կազմակերպությունն իրականացնում է հողային, ջրահեռացման համակարգի վերականգնման, գաբիոնային շարվածքով հենապատերի կառուցման և այլ աշխատանքներ։

Կարդալ ավելին

Կլուծվի Հ-3, Երևան-Գառնի-Գեղարդ ճանապարհի՝ սողանքային գոտով անցնող հատվածի անցանելիության ապահովման հարցը

30-04-2021

Մասնագետները տեղում քննարկել են 1.8 կմ այդ հատվածի անցանելիության ապահովման խնդիրը, շինաշխատանքների հետ առնչվող հարցեր։

Կարդալ ավելին

Մ-1, Աշտարակ-Եղվարդ տրանսպորտային հանգույցում մեկնարկել են միջին նորոգման աշխատանքները

29-04-2021

Միջին նորոգման շրջանակներում կատարվելու են փոսային նորոգման, կողնակների մաքրման և ամրացման (կոպճային խառնուրդով), հարթեցնող շերտի, ասֆալտբետոնե ծածկի, նոր նշանների տեղադրման, գծանշման աշխատանքներ։

Կարդալ ավելին