Հանրային լսումների ընթացքում ներկայացվել են վթարավտանգ ճանապարհահատվածների բարելավման նախագծերը

04-03-2022

Մարտի 2-ից 4-ը Սևան, Վանաձոր, Մեծամոր, Արմավիր, Բաղրամյան, Ախուրյան, Անի համայնքներում Համաշխարհային բանկի և ՀՀ կառավարության աջակցությամբ իրականացվող Կենսական նշանակության ճանապարհային ցանցի բարելավման 2-րդ լրացուցիչ ֆինանսավորման ծրագրի շրջանակներում տեղի են ունեցել հանրային լսումներ։ «Ճանապարհային դեպարտամենտ» հիմնադրամի աշխատակիցները և «Ճաննախագիծ» ինստիտուտ ՍՊԸ-ի խորհրդատուները համայնքների ղեկավարներին, աշխատակազմերին և բնակչությանը ներկայացրել են նշված ծրագրի շրջանակներում մշակված վթարավտանգ ճանապարհահատվածների բարելավման մանրամասն նախագծերն ու բնապահպանական և սոցիալական կառավարման պլանները։

Նշենք, որ վթարավտանգ կետերն ընտրվել են վթարների վերաբերյալ ՀՀ ոստիկանության տրամադրած տվյալների և ոստիկանության հետ խորհրդակցությունների, տեղազննությունների հիման վրա։  

Ճանապարհային դեպարտամենտի բնապահպանական և սոցիալական հարցերով մասնագետ Շուշան Քուրքչիյանը համայնքների ներկայացուցիչներին մանրամասնեց ծրագրի իրականացման ընթացքում բնապահպանական և սոցիալական հնարավոր ազդեցությունները։ Բնապահպանական տեսակետից հնարավոր են փոքրածավալ որոշակի ազդեցություններ։ Մասնավորապես, շինաշխատանքների ընթացքում հնարավոր է աղմուկի մակարդակի բարձրացում։ Նշվեց, որ շինարարն աշխատանքներն իրականացնելու է աշխատանքային ժամերին։ Շինարարության ընթացքում հնարավոր է փոշու տարածում, ինչը կկանխարգելվի ջրցանության միջոցով։ Որոշակի սահմանափակումներ կլինեն երթևեկության հետ կապված, որոնց մասին նախատես կտեղեկացվի, և երթևեկությունը կկազմակերպվի այնպես, որ վարորդներին հնարավորինս քիչ անհանգստություն պատճառվի։ Նշվեց նաև, որ ծրագրի իրականացման ընթացքում տարածքների օտարում չի նախատեսվում։ Խոսվեց նաև բողոքների լուծման մեխանիզմների մասին։

«Ճանապարհային դեպարտամենտ» հիմնադրամի ինժեներները և «Ճաննախագիծ» ինստիտուտի մասնագետները մանրամասնեցին յուրաքանչյուր համայնքի՝ ծրագրի շրջանակներում ընտրված վթարավտանգ կետերի վերացման ուղղությամբ կատարվելիք աշխատանքները։ Վտանգավոր հատվածներում նախատեսված է անվտանգության տարրերի տեղադրում, որոշ տեղամասերի ասֆալտապատում, մայթերի նորոգում և այլն։

Որոշ համայնքների ներկայացուցիչներ հանդիպումների ընթացքում արեցին իրենց դիտարկումները նախագծերի վերաբերյալ։

Վերջին նորությունները

Այս տարի 20 վթարավտանգ կետերում կիրականացվեն երթևեկության անվտանգության բարելավման միջոցառումներ

07-02-2023

Երթևեկության անվտանգության ապահովման միջոցառումները «Ճանապարհային դեպարտամենտ» հիմնադրամն իրականացնում է Հայաստանի ճանապարհային անվտանգության բարելավման ծրագրի շրջանակներում՝ Եվրոպական ներդրումային բանկի տրամադրած դրամաշնորհային միջոցներով։

Կարդալ ավելին

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին