Տրանսպորտային ծրագրերի իրականացման կազմակերպությունում տեղի ունեցան պայմանագրային բանակցություններ Հայաստանի Հանրապետության կենսական նշանակության ճանապարհացանցի բարելավման ծրագրի երկրորդ լրացուցիչ ֆինանսավորման ծրագրի շրջանակներում վերականգնվող ճանապարհների նախագծման և հեղինակային հսկողության ծառայությունների ձեռքբերման մրցույթի գնահատման արդյունքում առաջին տեղը զբաղեցրած կազմակերպության՝ գերմանական Kocks Consult GmbH կազմակերպության ներկայացուցչի հետ։

Նշված մրցույթի արդյունքում Տրանսպորտային ծրագրերի իրականացման կազմակերպությունը Kocks Consult GmbH ընկերությանն է պատվիրում նախագծային աշխատանքների փաթեթ, որը ներառում է կենսական նշանակության 9 ճանապարհների նախագծում։ Կազմակերպությունը իրականացնելու է նաև հեղինակային հսկողության ծառայությունների մատուցում՝ շինարարական աշխատանքների ընթացքում։ Նախատեսվում է վերականգնել մոտ 48 կմ երկարությամբ ճանապարհ։ Վերականգնման աշխատանքները կիրականացվեն Համաշխարհային բանկի և ՀՀ կառավարության համաֆինանսավորմամբ։

Նիստի ընթացքում քննարկվեցին պայմանագրային մի շարք կետեր, մասնավորապես, աշխատանքների կատարման ժամկետների, խորհրդատուի աշխատակազմի, վճարումների հետ կապված և այլ հարցեր։