Քննարկվել է Քաջարան-Ագարակ 32կմ երկարությամբ ճանապարհի կառուցման ընթացքը
«Ճանապարհային դեպարտամենտ» հիմնադրամի գործադիր տնօրեն Արմեն Զոհրաբյանը և փոխտնօրեն Կարեն Բադալյանը հանդիպել են այս օրերին Հայաստանում գտնվող Կայունացման և զարգացման եվրասիական հիմնադրամի առաքելության անդամներ Արթուր Առաքելյանի, Վասիլի Գլուխովի և Վիկտոր Պոպովի հետ։ Հիշեցնենք, որ Կայունացման և զարգացման եվրասիական հիմնադրամի վարկային և ՀՀ կառավարության ֆինանսական միջոցներով կառուցվում է Հյուսիս-հարավ ճանապարհի Քաջարան-Ագարակ 32կմ երկարությամբ հատվածը։
Կայունացման և զարգացման եվրասիական հիմնադրամի առաքելության անդամները, ներկայացնելով շինհրապարակ կատարած իրենց այցելության մանրամասները, ընդգծել են Քաջարան-Ագարակ ճանապարհահատվածում շինարարության զգալի առաջընթացն ու աշխատանքների կատարման բարձր արդյունավետությունը։
Արմեն Զոհրաբյանը հանդիպման ընթացքում կարևորել է նշված ճանապարհահատվածի կառուցման ծրագիրը։ Նա ընդգծել է‚ որ Ճանապարհային դեպարտամենտը Կայունացման և զարգացման եվրասիական հիմնադրամի հետ սերտ համագործակցությամբ անում է առավելագույնը ծրագիրը լավագույնս իրականացնելու նպատակով։
Հանդիպմանը քննարկվել են Քաջարան-Ագարակ ճանապարհի կառուցման ընթացքի հետ կապված մի շարք թեմաներ։ Անդրադարձ է եղել աշխատանքների կազմակերպմանը, շինարարության ընթացքին, կապալառուի կողմից կիրառվող շինարարական տեխնոլոգիաներին առնչվող և բազմաթիվ այլ հարցերի։
Վերջին նորությունները
Հայտարարվել է ուղեանցի հիմնանորոգման աշխատանքների ձեռքբերման մրցույթ
16-10-2026Հայտերն ընդունվում են մինչև հոկտեմբերի 23-ը՝ ժամը 16։00։
Կարդալ ավելինՀիմնանորոգվում է Լուկաշին-Նորավան-Արմավիր 4.2կմ ճանապարհը
16-10-2026Մոտ 4.2կմ երկարությամբ ճանապարհի նորոգումը մեծ հնարավորություններ է ստեղծում գյուղատնտեսությամբ զբաղվող գյուղացիների համար։
Կարդալ ավելինՔննարկվել են Հյուսիս-հարավի Արտաշատ-Սիսիան ճանապարհահատվածի իրագործելիության ուսումնասիրության և ծրագրի իրականացման ռազմավարությանն առնչվող հարցեր
14-10-2026Ըստ նախանական նախագծի՝ նախատեսվում է, որ Արտաշատ-Սիսիան ճանապարհահատվածն ունենալու է 161.5կմ երկարություն, այդ թվում՝ 59 կամուրջ՝ 13.2կմ ընդհանուր երկարությամբ, 9 թունել՝ 12.4կմ ընդհանուր երկարությամբ, 22 տրանսպորտային հանգույց։
Կարդալ ավելին