Մ-2-ի վթարավտանգ կետերում իրականացվում են անվտանգության բարելավման աշխատանքներ

04-11-2021

Հայաստանի ճանապարհային անվտանգության բարելավման ծրագրի շրջանակներում Մ-2, Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհի 7 վթարավտանգ կետերում նախատեսված է իրականացնել ճանապարհային երթևեկության անվտանգության և ենթակառուցվածքների բարելավման աշխատանքներ։ Յոթ վթարավտանգ կետերից մեկը գտնվում է Վայոց ձորի մարզում (կմ147+700-կմ148+922), վեցը՝ Սյունիքում (կմ183+000-կմ184+000, կմ189+000-կմ190+000, կմ242+181-կմ243+000, կմ306+000-կմ311+000, կմ315+000-կմ316+126 և կմ317+000-կմ318+228)։

Գործընթացն արդեն մեկնարկել է։ Կապալառու կազմակերպության՝ «Արհովշին» ՍՊԸ-ի կողմից աշխատանքներ են տարվել Մ-2 միջպետական ճանապարհի՝ Վայոց ձորի մարզով անցնող տեղամասում, որտեղ տեղադրվել են արգելափակոցներ։ Կկատարվեն նաև գծանշումներ, ճանապարհահատվածները կկահավորվեն անվտանգության տարրերով։ Այժմ անվտանգության բարելավման միջոցառումներ են կատարվում Մ-2-ի 183-ից 184-րդ և 189-ից 190-րդ կիլոմետրերում։ Դրանք կշարունակվեն նաև մյուս հատվածներում։

Ըստ պայմանագրի՝ աշխատանքների տևողությունը 6 ամիս է։

Տեղեկացնենք, որ Հայաստանի ճանապարհային անվտանգության բարելավման ծրագիրն իրականացվում է «Ճանապարհային դեպարտամենտ» հիմնադրամի կողմից և Եվրոպական ներդրումային բանկի տրամադրած դրամաշնորհային միջոցներով։

Վերջին նորությունները

Մ-2 ճանապարհի 7 վթարավտանգ կետերում կատարվել են ճանապարհային երթևեկության անվտանգության բարելավման աշխատանքներ

25-05-2022

Վթարավտանգ հատվածներում իրականացվել են ճանապարհային նշանների, արգելափակոցների տեղադրման աշխատանքներ, որոշ տեղամասերում կատարվել է նաև ասֆալտապատում։

Կարդալ ավելին

Թալին-Լանջիկ 5 կմ ճանապարհահատվածում այս տարի տեղադրվել է ասֆալտբետոնե ծածկի առաջին շերտը

24-05-2022

ԱԶԲ և Ճանապարհային դեպարտամենտի ներկայացուցիչները հանդիպել են շինարարների, շինաշխատանքների տեխնիկական հսկողությունն իրականացնող թիմի հետ, քննարկել աշխատանքային հարցեր։

Կարդալ ավելին

Հայտարարվել է հրատապ բաց մրցույթ

20-05-2022

Հայտերի ներկայացման վերջնաժամկետ՝ 03.06.2022՝ ժամը 17:45 ներառյալ։

Կարդալ ավելին