Ավարտվել են Հ-42, (Մ-2)-Զառիթափ-Նոր Ազնաբերդ ավտոճանապարհի 14 կմ երկարությամբ ճանապարհահատվածի (կմ9+500-կմ23+500) հիմնանորոգման աշխատանքները։

Վայոց ձորի մարզի Վայքի տարածաշրջանով անցնող ճանապարհահատվածը հիմնանորոգվել է ՀՀ պետական բյուջեի միջոցներով։ Շինաշխատանքները կատարել է «Վայքի ՃՇՇ» ՓԲԸ-ն։ Իրականացվել են հողային աշխատանքներ‚ տեղադրվել է երկշերտ ասֆալտբետոնե ծածկ (10 սմ)‚ անվտանգության տարրեր‚ կատարվել են նաև այլ աշխատանքներ։

Զառիթափ համայնքի ղեկավար Սիմոն Բաբայանը տեղեկացրեց‚ որ նշված ճանապարհահատվածը 1970-ական թվականներից ի վեր չէր հիմնանորոգվել։ Նա նաև իր գոհունակությունը հայտնեց ճանապարհաշինական աշխատանքների որակից։