Ճանապարհաշինարարի մասնագիտությունը պահանջված է աշխատաշուկայում

«Ճանապարհային դեպարտամենտ» հիմնադրամի և Ճարտարապետության և շինարարության Հայաստանի ազգային համալսարանի միջև ստորագրված հուշագրի շրջանակներում Ճանապարհային դեպարտամենտում պարբերաբար պրակտիկա-ստաժավորում են անցնում համալսարանի շրջանավարտներն ու ավարտական կուրսերի ուսանողները։ Բուհն ու հիմնադրամն ուժերը մեկտեղել են ճանապարհաշինական ոլորտի լավ կադրեր պատրաստելու նպատակով։
Նախաձեռնությունը կյանքի է կոչվել Համաշխարհային բանկի ֆինանսավորմամբ իրականացվող Կենսական նշանակության ճանապարհային ցանցի բարելավման ծրագրի շրջանակներում։
Առաջին փուլում վեցամսյա վճարովի պրակտիկա-ստաժավորմանը մասնակցել են 8 երիտասարդ մասնագետներ՝ ճարտարագետներ, նախագծողներ և ճանապարհային անվտանգության մասնագետներ։ Պրակտիկայից հետո նրանցից 3-ն աշխատանքի են ընդունվել «Ճանապարհային դեպարտամենտ» հիմնադրամում։
Երկրորդ փուլում պրակտիկայի շրջանակներում 6-ամսյա վճարովի ստաժավորման հնարավորություն են ստացել ևս 2 երիտասարդ մասնագետներ։ Այս գործընթացը շարունակական է։ Երրորդ փուլում պրակտիկա կանցնեն ևս 3 ուսանողներ։ Վերջիններս կարողանում են բուհում ստացած իրենց գիտելիքները ամրապնդել պրակտիկ աշխատանքում։
Պրակտիկայի մասնակիցները ծանոթանում են Ճանապարհային դեպարտամենտի ծրագրերին ու բաժինների աշխատանքներին, ուսումնասիրում են նախագծերը, այցելություն են կատարում շինհրապարակներ, ծանոթանում են ճանապարհաշինության ամբողջ գործընթացին ու ծրագրերի կառավարման առանձնահատկություններին։ «Ճանապարհային դեպարտամենտ» հիմնադրամի փորձառու մասնագետները մշտապես իրենց փորձն են փոխանցում կրտսեր գործընկերներին։
Հատկապես վերջին տարիներին, երբ էապես մեծացել են ճանապարհաշինության ծավալները, ճանապարհաշինական կազմակերպություններում կա որակյալ ճանապարհաշինարարների ու հարակից ոլորտների մասնագետների կարիք։ Հիմնադրամը, շինարարական կազմակերպությունները պարբերաբար համալրվում են երիտասարդ կադրերով։
Նախագծողների ու կառուցողների գործն առաջիկա տարիներին նույնպես շարունակելու է պահանջված մնալ, ուստի ճանապարհաշինարարները խորհուրդ են տալիս երիտասարդներին ընտրել այս մասնագիտությունը՝ վստահեցնելով, որ լավ մասնագետը ոլորտում միշտ էլ աշխատանք կգտնի։
Վերջին նորությունները
Հանդիպում՝ տեխհսկողություն իրականացնող կազմակերպությունների հետ
19-02-2025Անդրադարձ է եղել նախորդ տարիներին ՀՀ պետբյուջեի միջոցներով իրականացված ճանապարհաշինական աշխատանքների որակի նկատմամբ տեխհսկողության ծառայությունների մատուցման ընթացքում ի հայտ եկած խնդիրներին:
Կարդալ ավելինՄրցույթի հրավեր- 2024 թվականի հեղեղներից հետո վաղ վերականգնման աշխատանքներ՝ հետիոտնային կամուրջների վերակառուցում Հայաստանում
19-02-2025Մանրամասն տեղեկություններ և անհրաժեշտ փաստաթղթերը ստանալու համար հետաքրքրված կողմերը կարող են դիմել Ռեգինա Գուջանին՝ regina.gujan@eda.admin.ch էլ. փոստի միջոցով:
Կարդալ ավելինՀայտարարվել է Վարդաղբյուր-Տաշիր ճանապարհի կմ 0+000-կմ 5+000 հատվածի հիմնանորոգման աշխատանքների ձեռքբերման մրցույթ
18-02-2025Հայտերն ընդունվում են մինչեւ մարտի 12-ը՝ ժամը 16.00։
Կարդալ ավելին