Հանդիպում գծանշող ընկերությունների ղեկավարների հետ

05-07-2024
«Ճանապարհային դեպարտամենտ» հիմնադրամի ճանապարհների պահպանման և շահագործման, ճանապարհների անվտանգության բաժինների և լաբորատորիայի աշխատակիցները հանդիպել են ՀՀ միջպետական և հանրապետական նշանակության ճանապարհները գծանշող կազմակերպությունների ղեկավարների հետ։ Հիմնադրամը ձեռք է բերել գծանշումների տեսանելիությունն ու հաստության գործակիցը ստուգող սարքավորում, և անցած օրերի ընթացքում ճանապարհների տարբեր հատվածներում կատարվել են սարքավորման փորձարկումներ։ Հանդիպման ընթացքում քննարկվել են փորձարկումների արդյունքները, ու անդրադարձ է եղել աշխատանքների արդյունավետության բարձրացմանը։
 
Ճանապարհների պահպանման և շահագործման բաժնի ղեկավար Գոռ Մարգարյանը ներկայացրել է գծանշմանը ներկայացվող պահանջները, որոնք սահմանված են ՀՀ կառավարության համապատասխան որոշմամբ և ստանդարտներով։ Նա նաև նշել է, որ աշխատանքներն ընդունվելու են ձեռք բերված սարքավորմամբ իրականացված ստուգումների հիման վրա։ Նախաձեռնությունը միտված է ՀՀ միջպետական և հանրապետական նշանակության ճանապարհների գծանշման որակը բարձրացնելուն։
 
Կապալառու կազմակերպությունների ղեկավարները ներկայացրել են նաև իրենց դիտարկումները, քննարկվել են աշխատանքային մի շարք հարցեր։
 
 

Վերջին նորությունները

Հանդիպում ԵՆԲ պատվիրակության հետ

12-07-2024

Քննարկվել են ԵՆԲ համաֆինանսավորմամբ Հայաստանում իրականացվող ճանապարհաշինական ծրագրերը։

Կարդալ ավելին

Հանդիպում ՎԶԵԲ-ի ներկայացուցիչների հետ

10-07-2024

Անդրադարձ է եղել գնումների պլանին‚ նախատեսվող մրցութային գործընթացներին‚ նախագծային‚ ծրագրի կառավարման և այլ հարցերի։

Կարդալ ավելին