Տավուշի մարզի Բերդավան և Այգեպար սահմանամերձ գյուղական համայնքներում կատարվում է ներհամայնքային փողոցների հիմնանորոգում։ Մասնավորապես‚ «Տավուշ ՃՃՇ» ՓԲԸ-ի կողմից հիմնանորոգվում է Այգեպարի 2 կմ երկարությամբ փողոցը։ Իսկ Բերդավանում հիմնանորոգվում են ներհամայնքային երկու փողոցների 2,1 կմ երկարությամբ հատվածները։

Շինարարության շրջանակում նախատեսված են հողային աշխատանքներ, կողնակների հարթեցում և լրացում, ջրահեռացման համակարգերի հիմնանորոգում, նշանների, ասֆալտբետոնե ծածկի տեղադրում‚ գծանշում և այլ աշխատանքներ։

Նշված շինարարական աշխատանքներն իրականացվում են ՀՀ պետական բյուջեի հատկացումներով։