Հյուսիս-հարավ ճանապարհային միջանցքի Տրանշ-3-ում շինաշխատանքներ իրականացնող կապալառու չինական «Սինոհիդրո Քորփորեյշն» ՍՊ ընկերությունը շարունակում է նշված ճանապարհահատվածում բացակայող ճանապարհային նշանների վերատեղադրման աշխատանքները։ Թալին-Լանջիկ հատվածում վերջին օրերին վերատեղադրվել են մոտ 50 ճանապարհային նշան և անվտանգության այլ տարրեր։ Շարունակվում են նաև ճանապարհն աղբից մաքրելու աշխատանքները։ Նշենք նաև‚ որ առաջիկա օրերին եղանակային պայմանների բարելավման պես ընկերությունը Հայրենյաց համայնքի‚ Մարալիկ-Լանջիկ հատվածներում‚ ինչպես նաև Տրանշ-3-ի ամբողջ երկարությամբ կվերսկսի փոսային նորոգման աշխատանքները։