Փետրվարի 5-ին Տրանսպորտային ծրագրերի իրականացման կազմակերպության ներկայացուցիչները Եվրոպական ներդրումային բանկի (ԵՆԲ) պատվիրակության հետ քննարկել են Վանաձոր-Ալավերդի-Վրաստանի սահման (Մ6) միջպետական ավտոճանապարհի վերականգնման և բարելավման ծրագիրը: Նշվել է, որ հաջողությամբ ավարտվել են Մ6 ճանապարհի այն հատվածի վերականգնման աշխատանքները, որոնք իրականացվում էին Եվրոպական ներդրումային բանկի աջակցությամբ։ Ընդհանուր առմամբ վերականգնվել է 38,45 կմ երկարությամբ ճանապարհահատված, շինարարության մեկնարկը տվել էր 2016թ․ սեպտեմբերի 1-ին: Շինարարական աշխատանքներն ավարտվել են 2018թ. դեկտեմբերին, և ճանապարհահատվածը հանձնվել է շահագործման։

Փետրվարի 6-ին բանկի պատվիրակներն այցելել են Վանաձոր-Ալավերդի-Վրաստանի սահման (Մ6) միջպետական ավտոճանապարհի՝ ԵՆԲ ֆինանսավորմամբ վերականգնված հատված, դիտարկել կատարված աշխատանքները։