ՀՀ մարզերում վերսկսվել են կենսական նշանակության ճանապարհահատվածների վերականգնման աշխատանքները

07-04-2021

Ապրիլից վերսկսվել են Կենսական նշանակության ճանապարհային ցանցի բարելավման երկրորդ լրացուցիչ ֆինանսավորման ծրագրի շրջանակներում ճանապարհների վերականգնման աշխատանքները։

Հիշեցնենք‚ որ ծրագրի շրջանակներում ՀՀ մարզերում կվերականգնվի մոտ 68.7 կմ երկարությամբ 12 ճանապարհահատված։  

Այս տարի կենսական նշանակության ճանապարհներ են վերականգնվում հանրապետության Լոռու‚ Արագածոտնի‚ Սյունիքի‚ Արարատի‚ Արմավիրի‚ Գեղարքունիքի‚ Շիրակի մարզերում։

Վերականգնվող ճանապարհներն են՝

  • Շիրակ-Կամո (5 կմ)
  • Մ6-Եղեգնուտ-Դեբեդ (8.2 կմ)
  • Մ1-Ներքին Սասնաշեն-Մեծաձոր (9.8 կմ)
  • Տ-5-32-Կաթնաջուր (4.7 կմ)
  • Մ2-Նորավան (5.45 կմ)
  • Հ12-Նորամարգ-Հովտաշեն-Մ2 (4.4 կմ)
  • Մ4-Սևան- «Աղթամար» համալիր- Մ4 (5.3 կմ)
  • Մ11-Ախպրաձոր ճանապարհի 2 հատվածները (15.37 կմ)
  • Լուկաշին-Հ17 (3.15 կմ)
  • Դաստակերտ-Նժդեհ-Ցղունի (5.4 կմ)
  • Խոտ (96 կմ)

Ճանապարհների վերականգնումը նախատեսված է ավարտել 2021 թվականին։

Կենսական նշանակության ճանապարհներն ապահովում են համայնքների և հիմնական ճանապարհների (հանրապետական կամ միջպետական նշանակության) միջև տրանսպորտային կապը՝ բարելավելով բնակչության կենսամակարդակը։

Նշենք‚ որ Հայաստանի կենսական նշանակության ճանապարհային ցանցի բարելավման ծրագրի շրջանակներում ծրագրի մեկնարկից՝ 2009 թվականից ի վեր ՀՀ մարզերում վերականգնվել է ավելի քան 835 կմ ընդհանուր երկարությամբ ճանապարհ։ Ծրագիրն իրականացվում է Համաշխարհային բանկի և ՀՀ կառավարության համաֆինանսավորմամբ։

 

Վերջին նորությունները

Վերականգնվում է Սյունիքի մարզով անցնող Հ-46-Խոտ կմ0+000 -կմ1+963 (մոտ 2 կմ) ճնապարհահատվածը։

12-04-2021

Շինարարությանը զուգահեռ կապալառուն օրվա ընթացքում նորոգվող ճանապարհին պարբերաբար կատարում է ջրցանում՝ շինաշխատանքների հետևանքով առաջացող փոշու քանակությունը նվազագույնի հասցնելու համար։

Կարդալ ավելին

Վերականգնվում է Լուկաշին-Հ17 մոտ 3.15 կմ ճանապարհը

09-04-2021

Այս պահին ճանապարհին տեղադրվում են անվտանգության տարրերը‚ ազդանշանային սյուները‚ կառուցվում են մուտքերն ու իջատեղերը։

Կարդալ ավելին

2021թ. առաջին եռամսյակում մուտքագրվել է 1454 դիմում և գրություն

05-04-2021

«Ճանապարհային դեպարտամենտ» ՊՈԱԿ-ում 2021թ. առաջին եռամսյակում արձանագրվել է 830 ելքային գրություն։

Կարդալ ավելին