Վրաստան այցի ընթացքում հայ պատվիրակներն այցելել են վրաց-ռուսական սահման տանող Քվեշեթի-Կոբի շուրջ 23կմ երկարությամբ նոր ճանապարհին կառուցվող 9կմ երկարությամբ թունելի շինհրապարակ։

 

Հայկական պատվիրակությունը շինտեղամաս է այցելել Վրաստանի տարածքային զարգացման և ենթակառուցվածքների նախարար Իրակլի Կարսելաձեի և Վրաստանի ճանապարհային դեպարտամենտի ղեկավարի ուղեկցությամբ։ Հայաստանյան պատվիրակության անդամները վրաց գործընկերների հետ դիտարկել են 9կմ երկարությամբ թունելի կառուցման ընթացիկ աշխատանքները, ծանոթացել շինարարության, թունելի հորատման նորագույն տեխնոլոգիաներին։

 

Նոր ճանապարհը և թունելը կարևոր նշանակություն ունեն Հայաստանի համար։ Այս նոր ենթակառուցվածքը շահագործման հանձնելուց հետո կհեշտանա Վրաստանի տարածքով Հայաստանի կապը Ռուսաստանի Դաշնության հետ։ 23կմ երկարությամբ 2 գոտիանոց ասֆալտբետոնե ծածկով ճանապարհն ունենալու է 5 կամուրջ և 5 թունել (ամենաերկարը՝ 9կմ)։

 

Նախարար Սանոսյանի գլխավորած պատվիրակությունն այցելել է նաև Վերին Լարսի սահմանային անցակետ։