Մ6‚ Վանաձոր-Ալավերդի-Վրաստանի սահման միջպետական ավտոճանապարհի Թումանյան-Բագրատաշենի մաքսային անցակետ 51,74 կմ հատվածում հիմնանորոգման աշխատանքները շարունակվում են։ Մասնավորապես‚ Լոտ-1-ում կատարվում են մերձճանապարհային‚ ժայռային հանույթ‚ հողային‚ հորատապայթեցման աշխատանքներ‚ կամրջի վերանորոգում և այլն։ 

Լոտ-2-ում՝ Ալավերդի քաղաքի վարչական տարածքով անցնող ճանապարհահատվածում‚ իրականացվում են հաղորդակցուղիների խրամուղու փորման և խողովակների տեղադրման‚ կոյուղագծի փոսորակի փորման‚ գազատարի տեղափոխման աշխատանքներ‚ ինչպես նաև՝ ճանապարհի` ջրով ցողում՝ շինարարության ընթացքում փոշու պարունակությունը նվազագույնի հասցնելու համար։

Լոտ-3-ում կատարվում են մերձճանապարհային հանույթ և այլ աշխատանքներ։

Մ6-ի՝ Թումանյան-Բագրատաշենի մաքսային անցակետ հատվածի հիմնանորոգումը ֆինանսավորվում է Ասիական զարգացման բանկի (44.04 մլն եվրո) և ՀՀ կառավարության (10․14 մլն եվրո) կողմից։

Հիմնանորոգումից հետո Մ6‚ Վանաձոր-Ալավերդի-Վրաստանի սահման միջպետական ավտոճանապարհը կդառնա ավելի ապահով և հարմարավետ: