«Ճանապարհային դեպարտամենտ» ՊՈԱԿ-ը հայտարարում է անհատ խորհրդատուի ընտրության մրցույթ։ Խորհրդատուն պետք է արտաքին մշտադիտարկման խորհրդատվական ծառայություններ մատուցի Մ-6, Վանաձոր-Ալավերդի-Վրաստանի սահման միջպետական ավտոճանապարհի վերականգնման և բարելավման ծրագրի շրջանակներում` Ասիական զարգացման բանկի կողմից ֆինանսավորվող ճանապարհային հատվածի Վերաբնակեցման պլանի և 2 Ուղղիչ գործողությունների պլանի ավարտական հաշվետվությունների համապատասխանության ստուգման գծով։

Խորհրդատուն պետք է ստուգի՝ արդյոք հողերի օտարումն ու տարաբնակեցումն իրականացվել են ըստ ժամանակացույցի և համաձայն նախապես մշակված Հողի օտարման և տարաբնակեցման ծրագրերի, Հայաստանի գործող օրենքների, Ասիական զարգացման բանկի համապատասխան քաղաքականության։

Խորհրդատվական ծառայությունների մատուցումը նախատեսվում է սկսել 2021 թվականի փետրվարից։ Խորհրդատուն պետք է ունենա ՀՕՏԾ մոնիտորինգ իրականացնելու փորձ, գիտելիքներ Ասիական զարգացման բանկի Ոչ կամավոր վերաբնակեցման քաղաքականության և ՀՀ համապատասխան օրենսդրության վերաբերյալ։

Խորհրդատուն պետք է ունենա սոցիալական գիտությունների, տնտեսագիտության, վիճակագրության, ֆինանսների կամ հարակից այլ ոլորտներում կրթության բակալավրի աստճան, 7 տարվա համապատասխան աշխատանքային փորձ, հողերի ձեռքբերման,  գնահատման և մոնիտորինգի առնվազն 3 տարվա փորձ։

Հետաքրքրված անձինք այլ մանրամասների կարող են ծանոթանալ հետևյալ հղմամբ՝ https://armroad.am/am/procurement/tenders

Հայտերի ներկայացման վերջնաժամկետն է 2021 թվականի հունվարի 20-ը՝ ժամը 18:00 (Երևանի ժամանակով):