«Ճանապարհային դեպարտամենտ» ՊՈԱԿ-ի տնօրենի պաշտոնակատար Տիգրան Նաղդալյանը տեսակոնֆերանս է անցկացրել Հյուսիս-հարավ ճանապարհային միջանցքի ներդրումային ծրագրի Տրանշ-3-ի շինարարության տեխնիկական վերահսկողությունն իրականացնող կազմակերպության՝ «Spea Ingegneria Europea S.p.A. - IRD Engineering S.r.L..» իտալական կոնսորցիումի ղեկավարության (Spea Ingegneria Europea S.p.A ընկերության կողմից՝ միջազգային կապերի բաժնի ղեկավար Աքուիլոնո Պոնցիանի‚ IRD Engineering S.r.L. ընկերության  կողմից՝ կառավարիչ-տնօրեն Պաոլո Օրսինի, գործառնությունների ղեկավար Ֆաբիո Բուոնոմո) հետ:

Տեսակոնֆերանսի ընթացքում կողմերը քննարկեցին Հյուսիս-հարավ ճանապարհային միջանցքի Տրանշ 3-ի ճանապարհահատվածներում՝ Թալին-Լանջիկ (18,7կմ), Լանջիկ-Գյումրի (27,5կմ), շինարարական աշխատանքների առաջընթացի, այդ աշխատանքների տեխնիկական հսկողության, ինչպես նաև Տրանշ 4-ի Սիսիան-Քաջարան հատվածի հեռանկարային ծրագրին վերաբերող հարցեր: Կողմերը կարծիքներ փոխանակեցին աշխատանքների և տեխնիկական հսկողության ծառայությունների խթանմանն ուղղված միջոցառումների շուրջ, ձեռք բերվեցին մի շարք պայմանավորվածություններ, մասնավորապես՝ խորհրդատուի  ընթացիկ հաշվետվությունների պատշաճության և դրանք ժամանակին ներկայացնելու, ինչպես նաև COVID-19 համավարակի պայմաններում աշխատանքների բնականոն ընթացքն ապահովելուն ուղղված առաջնահերթ միջոցառումների վերաբերյալ: