Տավուշի մարզում գտնվող Մակարավանք վանական համալիր այսուհետև հնարավոր է հասնել բարեկարգ ճանապարհով։ Ավարտվել են Հ-26, մոտեցում Մակարավանքի հուշարձան հանրապետական նշանակության ավտոճանապարհի 3 կմ հատվածի (կմ7+800-կմ10+800) հիմնանորոգման աշխատանքները։ Ճանապարհը հիմնանորոգվել է «Ճանապարհ» ՍՊԸ կողմից ՀՀ պետական բյուջեից հատկացված միջոցներով։ Ճանապարհը‚ որ երբեք ամբողջովին ասֆալտապատ չի եղել‚ հատվածաբար նորոգվել էր տարիներ առաջ‚ սակայն այս ծավալի աշխատանքներ կատարվել են առաջին անգամ։

Աչաջուր համայնքի մոտ գտնվող 10-13-րդ դարերի այս սրբավայրը նվիրական վայր է տեղացիների‚ հավատացյալների և զբոսաշրջիկների համար‚ և ճանապարհի հիմնանորոգումը կնպաստի վերջիններիս այցելությունների ավելացմանը։