«Ճանապարհային դեպարտամենտ» հիմնադրամի գործադիր տնօրեն Արմեն Զոհրաբյանն այսօր անցկացրել է գործակարգավարական խորհրդակցություն, որի ընթացքում աշխատակազմին է ներկայացրել հիմնադրամի գործադիր տնօրենի նորանշանակ տեղակալ Խաչատուր Մկրտչյանին։ Պարոն Մկրտչյանը հիմնականում համակարգելու է պետական նշանակության ավտոճանապարհների հիմնանորոգման ծրագրերը, անհրաժեշտության դեպքում կաջակցի նաև այլ աշխատանքների իրականացմանը։

 

Արմեն Զոհրաբյանը, ներկայացնելով պարոն Մկրտչյանին, մասնավորապես, նշել է, որ նա շինարարության բնագավառում ունի բազմամյա փորձ, և նշանակումը կատարվել է՝ հիմք ընդունելով այդ փաստը։ Հիմնադրամի ղեկավարը նշել է նաև, որ Խաչատուր Մկրտչյանն իր փորձը, գիտելիքները կներդնի՝ ճանապարհային ոլորտում կատարվող աշխատանքների արդյունավետությունը բարձրացնելու նպատակով։

 

Խաչատուր Մկրտչյանը, շնորհակալություն հայտնելով վստահության համար, ընդգծել է, որ «Ճանապարհային դեպարտամենտ» հիմնադրամում աշխատում է մասնագիտական բարձր որակներ ունեցող թիմ, և աշխատանքի բերումով ծանոթ է թե՛ կազմակերպության գործառույթներին, թե՛ աշխատակիցներից շատերին։ Նա նաև հույս է հայտնել, որ հիմնադրամի ներկայացուցիչների աջակցությամբ ու նվիրված աշխատանքով հաջողությամբ կիրականացնեն իրենց առջև դրված ծրագրերը։

 

Գործակարգավարական խորհրդակցության ընթացքում քննարկվել են նաև աշխատանքային այլ հարցեր։