Վանաձոր քաղաքում ՀՀ պետական բյուջեի միջոցներով հիմնանորոգվում են Տիգրան Մեծի պողոտան (0.9կմ) և Սանկտ Պետերբուրգի փողոցը (1.75կմ)։

 

Հիմնանորոգման շրջանակներում այժմ կատարվում են ճանապարհային հագուստի վերականգնման աշխատանքներ։ Տիգրան Մեծի պողոտայում կառուցվել են մայթերը՝ գունավոր սալիկներով‚ Սանկտ Պետերբուրգի փողոցում մայթերը հիմնականում ասֆալտե ծածկույթով են։ Իրականացվում է հողային պաստառի և ծածկի վերականգնում։ Տիգրան Մեծի փողոցում ավարտված է հարթեցնող շերտի տեղադրումը‚ եղանակային պայմանները բարելավվելուն պես կմեկնարկի միաշերտ ասֆալտբետոնե ծածկի տեղադրումը։ Սանկտ Պետերբուրգի փողոցի մոտ 1կմ հատվածում արդեն իսկ տեղադրվել է ասֆալտբետոնե ծածկի ներքին շերտը‚ ասֆալտապատման աշխատանքները կշարունակվեն եղանակային պայմանները բարելավվելուն պես։ Այստեղ նախատեսված է երկշերտ ասֆալտբետոնե ծածկ։

 

Շինարարությունն իրականացնում է «Ախուրյանի Կոպշին» ՍՊԸ-ն‚ տեխնիկական հսկողությունը՝ «Տեխ Դրաֆտ» ՍՊԸ-ն։