«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի, ինչպես նաև ՀՀ կառավարության 19.11.2014թ. N 1325-Ն որոշմամբ սահմանված կարգով 2023թ. նոյեմբերի 2-ին ՀՀ Սյունիքի մարզի Քաջարան համայնքի Գեղի բնակավայրում և նոյեմբերի 3-ին ՀՀ Սյունիքի մարզի Սիսիան համայնքի Դարպաս բնակավայրում տեղի ունեցան Հյուսիս-հարավ ճանապարհային միջանցքի ներդրումային ծրագրի Տրանշ-4-ի Սիսիան-Քաջարան ճանապարհահատվածի կառուցման ծրագրի շրջակա միջավայրի վրա ազդեցության գնահատման հաշվետվության վերաբերյալ հանրային քննարկումներ (չորրորդ հանրային քննարկում):

 

Հանդիպումներին մասնակցում էին «Ճանապարհային դեպարտամենտ» հիմնադրամի, Ասիական զարգացման բանկի, ՇՄԱԳ հաշվետվություն մշակող խորհրդատուի, շահառու համայնքների և բնակավայրերի ներկայացուցիչներ։ Հանդիպումների ընթացքում քննարկվեցին ծրագրին առնչվող բնապահպանական, սոցիալական և տեխնիկական հարցեր։ Բոլոր շահառուները ստացան իրենց հուզող հարցերի պատասխանները։