Կազմակերպվել է 6-ամսյա պրակտիկա-ստաժավորում ճանապարհաշինության ոլորտի երիտասարդ մասնագետների համար

10-06-2021

«Ճանապարհային դեպարտամենտ» ՊՈԱԿ-ի և Ճարտարապետության և շինարարության Հայաստանի ազգային համալսարանի միջև ստորագրված հուշագրի շրջանակներում «Ճանապարհային դեպարտամենտ» ՊՈԱԿ-ում վեցամսյա վճարովի պրակտիկա-ստաժավորում է կազմակերպվել համալսարանի շրջանավարտների և ավարտական կուրսերի ուսանողների համար։ Այս նախաձեռնությունը կյանքի է կոչվել Համաշխարհային բանկի ֆինանսավորմամբ իրականացվող Կենսական նշանակության ճանապարհային ցանցի բարելավման ծրագրի շրջանակներում։

Վեցամսյա վճարովի պրակտիկա-ստաժավորմանը մասնակցում են ճարտարագետներ, նախագծողներ և ճանապարհային անվտանգության մասնագիտներ։ Վերջիններս ծանոթացել են ՊՈԱԿ-ի բաժիններին, ծրագրերին, սերտորեն համագործակցում են Ճանապարհային դեպարտամենտի աշխատակիցների հետ։ Երիտասարդներն աշխատանքի ընթացքում ուսումնասիրում են նորոգվելիք ճանապարհների նախագծերը, կատարում են նաև այցելություններ շինհրապարակներ, տեղում ծանոթանում շինարարական աշխատանքների նրբություններին, ծանոթանում ծրագրերի կառավարման առանձնահատկություններին։

Այս նախաձեռնության նպատակն է ստեղծել զբաղվածության ապահովման նոր ուղիներ և տալ հնարավորություն գտնել համապատասխան աշխատանք այն լավագույն ուսանողներին կամ շրջանավարտներին, որոնք ցանկություն կհայտնեն ուսում ստանալուց հետո ձեռք բերել մասնագիտական հմտություններ, աշխատել ՀՀ տարածքային կառավարման և ենթակառուցվածքների նախարարությունում կամ նախարարության ենթակայության՝ ենթակառուցվածքային ծրագրեր իրականացնող կազմակերպությունում։

 

Վերջին նորությունները

Աշտարակի տարածաշրջանը սպասարկող կազմակերպության նկատմամբ կկիրառվեն օրենքով սահմանված պատժամիջոցներ

31-01-2023

Դեպարտամենտը մոբիլիզացրել է հարակից տարածաշրջանների ճանապարհները սպասարկող կապալառուների ուժերը՝ վերոնշյալ տարածաշրջանի ավտոճանապարհների ձյան շերտի մաքրման և մշակման աշխատանքների համար։

Կարդալ ավելին

Ավարտվել է Հ-8, /Մ-2/-Այնթապ-Մխչյան-Արտաշատ-Այգևան-/Մ-2/ ճանապարհի 8.7կմ երկարությամբ 2 հատվածների հիմնանորոգումը

30-01-2023

8.7կմ ընդհանուր երկարությամբ 2 ճանապարհահատվածներն անցնում են Արարատի մարզով։

Կարդալ ավելին

Ճանապարհներին կտեղադրվեն տեղեկատվական ցուցանակներ

27-01-2023

Նախաձեռնությունը նպատակ ունի ապահովել հետադարձ կապը քաղաքացիների հետ։

Կարդալ ավելին