Հյուսիս-հարավ ճանապարհի Տրանշ-2-ի Ագարակի հնագիտական վայրը շրջանցող 8կմ երկարությամբ ճանապարհահատվածում ընթանում են կառուցման աշխատանքները։ Կապալառու ընկերությունը ճանապարհաշինական նպատակներով տարածքում իրականացրած պայթեցումներից առաջացած ժայռային հանույթը փխրեցնում է՝ հետագայում լիցք անելու և պատվածքի շերտերում օգտագործելու համար։ Ճանապարհի ամբողջ երկայնքով շարունակվում են հողային աշխատանքները‚ ինչպես նաև երկաթբետոնե մոնոլիտ կառուցվածքների շինարարությունը։

 

Ագարակի հնագիտական վայրը շրջանցող 8կմ ճանապարհահատվածի կառուցումը ֆինանսավորվում է Ասիական զարգացման բանկի և ՀՀ կառավարության կողմից։

 

Հյուսիս-հարավ ճանապարհային միջանցքի ներդրումային ծրագիրն իրականացնում է «Ճանապարհային դեպարտամենտ» հիմնադրամը։