Ավարտվել են Մ-5 միջպետական նշանակության ավտոճանապարհի երեք առանձին հատվածների (կմ 11+190 - կմ 11+727, կմ 14+400- կմ 15+715 և կմ 16+150- կմ 17+530‚ Փարաքարից մինչև Էջմիածին) միջին նորոգման աշխատանքները:

Ճանապարհի աջ կողմի միջին նորոգման աշխատանքները կատարել է «Արհովշին» ՍՊԸ-ն‚ իսկ ձախակողմյան մասինը՝ «Արարատ ճանշին» ՍՊԸ-ն։

Միջին նորոգման աշխատանքները կատարվել են ՀՀ պետական բյուջեի հատկացումներով։ Շինաշխատանքների շրջանակներում կապալառուները կատարել են ֆրեզավորում, կողնակների լրացում, փոսային նորոգում, հարթեցնող շերտի, անվտանգության տարրերի (նոր ազդանշանային С1 տիպի պլաստիկ սյուներ), ասֆալտբետոնե ծածկի տեղադրում և գծանշում: