Մ6, Վանաձոր-Ալավերդի-Վրաստանի սահման միջպետական ավտոճանապարհի Վանաձոր-Թումանյան 38,45 կիլոմետրանոց հատվածի հիմնանորոգումը 2018 թվականի վերջին ավարտվել է, այս հատվածի շինարարական աշխատանքները մեկնարկել էին 2016թ․ սեպտեմբերին։ Մ6-ի Վանաձոր-Թումանյան հատվածում վերանորոգվել է 12 կամուրջ, կառուցվել է 2 նոր կամուրջ, 1 թունել վերակառուցվել է, 2-ը՝ վերանորոգվել։

Ասֆալտապատվել է 31,85 կմ երկարությամբ ճանապարհահատվածը, կառուցվել և նորոգվել են հենապատերը, վերականգնվել է ջրահեռացման համակարգը, վերանորոգվել են մայթերը, տեղադրվել են մետաղական արգելափակոցներ և ճանապարհային նշաններ, կատարվել է գծանշում, իրականացվել են բազմաթիվ այլ աշխատանքներ։

Շինարարական աշխատանքներն իրականացրել են «Արարատ ճանշին ՍՊԸ և Քոնսթրաքշն Քոմփանի Դորլիդեր ՍՊԸ» ՀՁ-ն, «Ճանապարհ ՍՊԸ և Կամուրջշին ՓԲԸ» ՀՁ-ն և «Կապավոր» ՍՊԸ-ն: