«Տրանսպորտային ծրագրերի իրականացման կազմակերպություն» ՊՈԱԿ-ի «Կենսական նշանակության ճանապարհային ցանցի բարելավման ծրագրի լրացուցիչ ֆինանսավորում» ծրագրի շրջանակներում շարունակվում են Մ2-Վաղատին-Շենաթաղ ավտոճանապարհի 13.76 կմ հատվածի վերանորոգման աշխատանքները։ Հունիսի 6-ից ասֆալտապատվում է Սյունիքի մարզի Դարբաս բնակավայրի կենտրոնական փողոցը։

Աշխատանքները մեկնարկել են 2018 թվականի մարտի 23-ին։ Նախորդ տարի ասֆալտապատվել են Շամբ տանող ճանապարհի խաչմերուկից մինչև Դարբաս բնակավայր հատվածը և Դարբասից մինչև Շենաթաղ բնակավայրի կենտրոնական մասը։

Շինարարական աշխատանքներն իրականացվում են «Սիսիանի ԲՈՒԱՏ» ՍՊԸ-ի կողմից։

 Նյութը՝ Սիսիանի համայնքապետարանի կայքից