Ճանապարհային դեպարտամենտի լաբորատորիան իրականացնում է ճանապարհաշինական աշխատանքների և շինանյութերի փորձաքննություն

11-08-2020

ՀՀ տարածքային կառավարման և ենթակառուցվածքների նախարարության «Ճանապարհային դեպարտամենտ» ՊՈԱԿ-ը‚ ճանապարհաշինական ծրագրերից‚ միջպետական և հանրապետական նշանակության ճանապարհների ամառային և ձմեռային պահպանումից, ռազմավարական նշանակություն ունեցող թունելների, կամուրջների պահպանման աշխատանքների հսկողությունից բացի‚ իրականացնում է նաև ճանապարհաշինական աշխատանքների և շինանյութերի փորձաքննություն։ Այդ գործառույթները կատարվում են Ճանապարհային դեպարտամենտի լաբորատորիայի միջոցով։

Լաբորատորիան զինված է ժամանակակից սարքավորումներով‚ մասնավորապես՝ ճանապարհների հարթությունը լազերային ընդունիչներով չափող սարքավորումներով: Համապատասխան տեխնիկան հնարավորություն է ընձեռում փորձարկումներ իրականացնել ինչպես լաբորատոր, այնպես էլ դաշտային պայմաններում:

Ճանապարհային դեպարտամենտի աշխատակիցները պարբերաբար իրականացնում են ճանապարհների հարթության չափում՝ գնահատելու համար ասֆալտբետոնե ծածկի հարթության ցուցանիշը։

Նորոգվող ճանապարհների որակը ստուգելու նպատակով լաբորատորիայի միջոցով կատարվում է ուսումնասիրություն՝ հանուկի բաղադրության ստուգում։ Հանուկի փորձարկումների հիման վրա որոշվում են ասֆալտի խտացման գործակիցը, ջրահագեցվածությունը, շերտի հաստությունը և այլն‚ տրվում է եզրակացություն։ Լաբորատորիայում փորձարկում են ասֆալտ, խիճ, կոպիճ, ավազ, բնահող, հանքային փոշի, մածուցիկ բիտում, հեղուկ բիտում, ցեմենտ, ցեմենտաբետոն:

Լաբորատորիայում առկա է նաև ժամանակակից մոդիֆիկացված ճանապարհային սարքավորում (ընկնող քաշով դեֆլեկտոմետր), որը հնարավորություն է ընձեռում գնահատել գոյություն ունեցող և նոր կառուցված ճանապարհային հագուստի ամրությունը:

Լաբորատոր փորձարկումները կատարվում են Հայաստանի Հանրապետությունում գործող նորմատիվ փաստաթղթերի համաձայն:

Լաբորատորիայի աշխատակիցները նշում են‚ որ վերջին մեկ տարվա ընթացքում ճանապարհաշինական աշխատանքներում որակի հետ կապված դրական փոփոխություն կա։ Եվ դա պայմանավորում են նրանով‚ որ շինարարական ընկերություններն իրենց տեխնիկական պարկը հագեցնում են ժամանակակից սարքավորումներով‚ աշխատանքի ընթացքում կիրառում են նորագույն մեթոդներ։

 

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին