Հանդիպում՝ Կայունացման և զարգացման եվրասիական հիմնադրամի պատվիրակության հետ

11-08-2022
«Ճանապարհային դեպարտամենտ» հիմնադրամում օգոստոսի 11-ին տեղի է ունեցել հանդիպում Եվրասիական զարգացման բանկի Կայունացման և զարգացման եվրասիական հիմնադրամի պատվիրակության հետ։ Նշենք, որ Հյուսիս-հարավ ճանապարհային միջանցքի Տրանշ-4-ի Ագարակ-Վարդանիձոր-Քաջարանի նախատեսվող թունելի մուտք 32կմ ճանապարհահատվածի վերակառուցումը ֆինանսավորում են Կայունացման և զարգացման եվրասիական հիմնադրամն ու ՀՀ կառավարությունը։ Հանդիպմանը ներկա էին նաև ճանապարհահատվածի վերակառուցման մանրամասն նախագծման աշխատանքները կատարած «Այ Ար Դի Ինջեներինգ» և «Ջի Փի Ինջեներիա» (Իտալիա) համատեղ ձեռնարկության ներկայացուցիչները, որոնք պատասխանել են նախագծի հետ կապված հարցերին։
 
Տեղեկացնենք, որ Կայունացման և զարգացման եվրասիական հիմնադրամի պատվիրակության անդամները Ճանապարհային դեպարտամենտի և նախագծող կազմակերպության ներկայացուցիչների հետ, այցելել են Սյունիքի մարզ, դիտարկել են վերակառուցվելիք ճանապարհահատվածի ծրագիծը, քննարկել ծրագրի իրականացման հետ կապված մի շարք հարցեր։
 
Ճանապարհային դեպարտամենտի գործադիր տնօրեն Գոռ Ավետիսյանը, փոխտնօրեն Նարեկ Զուլալյանն ու հիմնադրամի աշխատակիցները պատվիրակության անդամների հետ հանդիպմանն անդրադարձել են ծրագրի իրականացման հետ կապված տեխնիկական, գնումների ընթացակարգերին առնչվող և բազմաթիվ այլ թեմաների։ Մասնավորապես, նշենք, որ հայտարարվել է 32կմ ճանապարհի շինարարական աշխատանքների տեխնիկական հսկողության խորհրդատվական ծառայությունների ձեռքբերման միջազգային մրցույթ։ Մրցութային գործընթացը գնահատման փուլում է։ Առաջիկայում կհայտարարվի նաև նշված ճանապարհահատվածի վերակառուցման աշխատանքների ձեռքբերման միջազգային մրցույթ։

Վերջին նորությունները

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին

Ճարտարագիտության ամառային դպրոցի 2 մասնակից կվերապատրաստվի Հռոմում

03-02-2023

Հավաստագրեր հանձնվեցին ճարտարագիտության ամառային դպրոցի երկրորդ հոսքի մասնակիցներին։

Կարդալ ավելին

Ճանապարհների ձմեռային պահպանման աշխատանքների մասին

02-02-2023

Հորդորում ենք վարորդներին չխոչընդոտել ձմեռային սպասարկում իրականացնող կապալառու կազմակերպությունների աշխատակիցների աշխատնքներին և հետևել բոլոր հրահանգներին։

Կարդալ ավելին