Կայացել է ԱՊՀ երկրների ճանապարհաշինարարների միջկառավարական խորհրդի հեռավար նիստը

11-09-2020
«Ճանապարհային դեպարտամենտ» ՊՈԱԿ-ի գլխավոր տնօրենի տեղակալ Նարեկ Զուլալյանը, Հյուսիս-հարավ ճանապարհային միջանցքի ներդրումային ծրագրի Տրանշ-2 եւ Տրանշ-4 ծրագրերի ղեկավար Կարեն Բադալյանը մասնակցել են ԱՊՀ երկրների ճանապարհաշինարարների միջկառավարական խորհրդի հեռավար նիստին։ Մասնակցում էին ԱՊՀ գործադիր խորհրդի ղեկավարներ, ավտոճանապարհային ոլորտի՝ տարբեր երկրների առաջատար մասնագետներ, Ճանապարհաշինարարների միջկառավարական խորհրդի մշտական եւ ասոցացված անդամներ։
 
Օրակարգում քննարկվել են մի շարք հարցեր, որոնք առնչվում էին «Անկախ Պետությունների Համագործակցության ճանապարհներ» ամսագրի աշխատանքներին, ԱՊՀ երկրների բուհերի ուսանողների, ասպիրանտների գիտական աշխատանքների միջազգային մրցույթին, Տրանսպորտային դիվանագիտության միջազգային կենտրոնի հետ համագործակցությանը, երկրների տնտեսությունների վրա COVID-19-ի համավարակով պայմանավորված բացասական հետեւանքները նվազեցնելուն ուղղված առաջարկներին եւ այլ թեմաների։
 
Խոսելով ճանապարհների անվտանգության ապահովման կարեւորության մասին՝ բանախոսները բերել են Հայաստանի օրինակը, որտեղ ճանապարհների, կամուրջների, թունելների անվտանգության ապահովումն իրականացվում է մասնավոր կապալառուների կողմից, որոնց հետ մրցույթների արդյունքում կնքվում են ճանապարհների սպասարկման համապատասխան պայմանագրեր։
 
Ելույթներում հատկապես ընդգծվում էր, որ ճանապարհային ոլորտը կարեւորագույն գործիք է՝ ուղղված տնտեսական եւ սոցիալական խնդիրների լուծմանն ու միջազգային հարաբերությունների զարգացմանը։ Նիստի ընթացքում անդրադարձ է եղել ԱՊՀ ճանապարհների վիճակի բարելավման, ճանապարհային ցանցի զարգացման, դրանք միջազգային չափանիշներին համապատասխանեցնելու եւ տրանսպորտային անվտանգության հարցերին։

Վերջին նորությունները

Ճանապարհային դեպարտամենտը կարևորում է երիտասարդ կադրերի ներգրավումը ճանապարհաշինության ոլորտում

04-03-2021

Կարևոր է բուհերի և մասնագիտացած կազմակերպությունների համագործակցությունն ու ուսումնական պրակտիկայի անցկացումը, որպեսզի երիտասարդները կարողանան տեսական գիտելիքները կիրառել գործնական դաշտում և ոլորտում մրցունակ ու պահանջված մասնագետ դառնան։

Կարդալ ավելին

Մեկնարկել են Հ-8 և Մ-5 ավտոճանապարհների 9 վտանգավոր կետերի ճանապարհային անվտանգության և ենթակառուցվածքների բարելավման միջոցառումները

01-03-2021

Օրերս տրվել է շինարարական աշխատանքների մեկնարկը։ Աշխատանքների ավարտը նախատեսվում է 2021թ. օգոստոսին:

Կարդալ ավելին

Ճանապարհային դեպարտամենտի լաբորատորիայում կատարվում են հետազոտական աշխատանքներ

22-02-2021

Ձմռանը‚ երբ ճանապարհաշինական աշխատանքներ հիմնականում չեն կատարվում‚ լաբորատորիայում կատարում են սարքավորումների կարգաբերումներ և հետազոտական աշխատանքներ։

Կարդալ ավելին