Ավարտվել են Մ-3‚ Մարգարա-Վանաձոր-Տաշիր-հայ-վրացական սահման միջպետական նշանակության ավտոճանապարհի կմ127+900-կմ130+400 հատվածի հիմնանորոգման աշխատանքները։ 2.5 կմ ճանապարհահատվածն անցնում է ՀՀ Լոռու մարզով։ Կապալառու կազմակերպությունն է «Ա.Ա.Բ. Պրոեկտ» ՍՊԸ-ն։

Մ-3 միջպետական նշանակության ավտոճանապարհի վրա ավարտվել է նաև կմ112+900-կմ116+900 հատվածի հիմնանորոգումը։ Աշխատանքներն իրականացրել է «Արգիշտի-1» ՍՊԸ-ն։ Լոռու մարզի Սպիտակ քաղաքով անցնող 4 կմ այս ճանապարհահատվածի հիմնանորոգումը մեկնարկել էր 2019 թվականին։

Մ-3 միջպետական մայրուղու վրա հիմնանորոգվում է 11.2 կմ ընդհանուր երկարությամբ ևս երկու հատված (կմ45+300-կմ53+000 և կմ72+000-կմ75+500)։ Այս երկու ճանապարհահատվածներն անցնում են Արագածոտնի մարզով։

Նշված հատվածների հիմնանորոգումները կատարվում են ՀՀ պետական բյուջեի հատկացումներով։