Հանրային լսումներ՝ «Ագարակ» արգելոցը շրջանցող 8կմ հատվածի կառուցման ժամանակ շրջակա միջավայրի վրա ազդեցության գնահատման վերաբերյալ

12-02-2019

Արագածոտնի մարզպետարանում տեղի են ունեցել հանրային լսումներ, որոնց ընթացքում ներկայացվել է Հյուսիս-հարավ ճանապարհային միջանցք ներդրումային ծրագրի Տրանշ-2-ի շրջանակներում, Ագարակ քաղաքի մոտ, հնագիտական տեղանքը շրջանցելու համար՝  Մ1 Երևան-Գյումրի-Բավրա մայրուղու մոտ 8կմ ճանապարհահատվածի կառուցման ժամանակ շրջակա միջավայրի վրա ազդեցության գնահատման հաշվետվությունը։ Մասնակցում էին «Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցներ, Ասիական զարգացման բանկի ներկայացուցիչը, մարզպետարանի աշխատակիցներ, ազդակիր համայնքների բնակիչներ։

Հիշեցնենք, որ նշված տարածքում իրականացվել են հնագիտական պեղումներ, աշխատանքների ընթացքում բացահայտվել է, որ Ագարակի հնագիտական համալիրը կարող է վնասվել ճանապարհի շինարարության հետևանքով, ուստի կայացվել է որոշում կատարել ուղեծրի փոփոխություն, որպեսզի ապահովվի հնագիտական համալիրի անվտանգությունը:

Թեմայի առնչությամբ արդեն իսկ երեք լսումներ անցկացվել էին։ Հերթական՝ 4-րդ լսումների մասնակիցները ծանոթացան նախատեսվող գործունեության նկարագրին, հիմնական բնապահպանական ռիսկերին, շրջակա միջավայրի վնասակար ազդեցության բացառմանը, նվազեցմանն ու փոխհատուցմանն ուղղված միջոցառումների ծրագրին։

Ներկաները պատասխանեցին ազդակիր համայնքների բնակիչներին հուզող հարցերին։

 

Վերջին նորությունները

Ճանապարհային դեպարտամենտի լաբորատորիայում կատարվում են հետազոտական աշխատանքներ

22-02-2021

Ձմռանը‚ երբ ճանապարհաշինական աշխատանքներ հիմնականում չեն կատարվում‚ լաբորատորիայում կատարում են սարքավորումների կարգաբերումներ և հետազոտական աշխատանքներ։

Կարդալ ավելին

Ավտոճանապարհը սպասարկող ընկերությանը տրվել է նկատողություն

19-02-2021

Կազմակերպությանը տրվել է նկատողություն. կրկնվելու դեպքում ճանապարհը սպասարկող ընկերության հետ պայմանագիրը կլուծվի։

Կարդալ ավելին

Նախագծերի կառավարման դասընթաց՝ Ճանապարհային դեպարտամենտի աշխատակիցների համար

18-02-2021

Դասընթացները տևելու են 5 շաբաթ‚ շաբաթական երկու անգամ պարբերականությամբ։ Հանդիպումների ընթացքում անդրադարձ է լինելու նախագծերի կառավարմանն առնչվող մի քանի բաժինների՝ ժամանակի‚ ֆինանսների‚ ռեսուրսների‚ հաղորդակցության կառավարում‚ որակի վերահսկում և այլն։

Կարդալ ավելին