Քննարկվել է ճանապարհների սպասարկման առցանց մոնիթորինգի ծրագիրը

13-01-2023
«Ճանապարհային դեպարտամենտ» հիմնադրամը ճանապարհների գույքագրման, պահպանման և շահագործման մոնիթորինգի կազմակերպումն առավել արդյունավետ իրականացնելու նպատակով ներդրել է ճանապարհային ցանցի կառավարման համակարգ։ Այն թվային հարթակ է, որի միջոցով կատարվում է նաև ճանապարհների սպասարկման առցանց մոնիթորինգ։
 
Էլեկտրոնային այս գործիքը մշակել է «Լոկատոր» ընկերությունը, որի մասնագետի հետ Ճանապարհային դեպարտամենտում կազմակերպվել էր հանդիպում Ճանապարհների պահպանման և շահագործման բաժնի աշխատակիցների հետ։ «Լոկատոր» ընկերության ներկայացուցիչը դեպարտամենտի տարածքային սպասարկման ինժեներների հետ քննարկել է կիրառվող ծրագրի մանրամասները, մինչ այժմ օգտագործման ընթացքում ի հայտ եկած դժվարություններն ու խնդիրները, ինչպես նաև պատասխանել է դեպարտամենտի նոր աշխատակիցների՝ ծրագրի գործարկման հետ կապված հարցերին։ Տարածքային ինժեներները ներկայացրել են ծրագրի բարելավմանն առնչվող իրենց առաջարկները։
 
Մոնիթորինգի թվային հարթակը պիլոտային եղանակով օգտագործվել է նախորդ տարիներին, այս տարի նախատեսված է այն կիրառել ամբողջ ծավալով։
 
Նշենք, որ թվային հարթակի օգնությամբ ինֆորմացիայի հավաքագրումը, մշակումն և պահպանումն արվում է առավել համակարգված, ավելի դյուրին է հաշվետվողականությունը, քիչ ժամանակ է ծախսվում թերություններն արձանագրելու և այդ մասին սպասարկող կազմակերպություններին տեղեկացնելու, ինչպես նաև թերության վերացման վերաբերյալ սպասարկող կազմակերպություններից տեղեկություն ստանալու վրա։

Վերջին նորությունները

Ճանապարհներին կտեղադրվեն տեղեկատվական ցուցանակներ

27-01-2023

Նախաձեռնությունը նպատակ ունի ապահովել հետադարձ կապը քաղաքացիների հետ։

Կարդալ ավելին

Ձյան առատ տեղումներից չեն դժգոհում

25-01-2023

«Աշոցքի ԱՏՃ» ՓԲԸ-ն երեք հենակետ է պատրաստել ավտոճանապարհներին՝ Ամասիայում, Աշոցքում և Վարդաղբյուրում։

Կարդալ ավելին

Իրանի գործընկերներին ներկայացվել են ՀՀ ճանապարհային ենթակառուցվածքները

21-01-2023

Այցելություն է կայացել նաև Տաթև-Լծեն, Լծեն-Շամբ ճանապարհահատվածներ, որտեղ ընթանում են շինարարական աշխատանքներ։

Կարդալ ավելին