Քննարկվել են ՀՕՏԾ իրականացման փուլում առաջացած խնդիրներն ու դրանց լուծման տարբերակները
«Ճանապարհային դեպարտամենտ» ՊՈԱԿ-ում խորհրդատու կազմակերպության՝ «Մեդիա-Մոդել» ՍՊԸ-ի ներկայացուցիչների հետ քննարկվել են Հյուսիս-հարավ ճանապարհային միջանցքի ներդրումային ծրագրի Տրանշ-2-ի վերակառուցման շրջանակներում «Ագարակ» պատմամշակութային արգելոցը շրջանցող 8 կմ ճանապարհահատվածի Հողերի օտարման և տարաբնակեցման նոր ծրագրի (ՀՕՏԾ) լրացման իրականացման ընթացքը։
Անդրադարձ է եղել նշված 8 կմ ճանապարհահատվածի կառուցման համար ՀՕՏԾ լրացման իրականացման փուլում առաջացած խնդիրներին ու դրանց լուծման տարբերակներին։
«Մեդիա-Մոդել» ՍՊԸ-ի աշխատակիցները ներկայացրել են‚ որ կան որոշ խնդիրներ՝ կապված հողերի սեփականատերերի ինքնության հետ‚ այսինքն` որոշ դեպքերում անհայտ են սեփականատերերը‚ ինչի հետևանքով բարդանում է ծանուցման և այլ գործընթացների իրականացումը։ Արձանագրվել են նաև որոշ դեպքեր‚ երբ անհայտ է սեփականատերերի գտնվելու վայրը‚ ինչը նույնպես խոչընդոտում է ՀՕՏԾ լրացման կատարմանը։
Հանդիպման ընթացքում քննարկվել են բարձրացված հարցերի վերաբերյալ բոլոր հնարավոր օրենսդրական լուծումները։ ՊՈԱԿ-ի ղեկավարության կողմից նշվել է‚ որ աշխատանքները պետք է տարվեն շատ օպերատիվ՝ սերտորեն համագործակցելով համայնքապետերի‚ Կադաստրի կոմիտեի հետ։
Վերջին նորությունները
Հյուսիս-հարավ ճանապարհային միջանցքի Տրանշ-3-ում շինարարությունը շարունակվում է
20-10-2020Ճանապարհաշինության ոլորտի պատասխանատուները հանդիպել են շինարարության տեխնիկական վերահսկողությունն իրականացնող կազմակերպության՝ «ԱյԱրԴի Ինջինիերինգ» ընկերության աշխատանքային թիմի նոր անձնակազմի հետ՝ Փոլ Կլարկի ղեկավարությամբ։
Կարդալ ավելինԲագրատաշենի նոր կամրջի կառուցման շրջանակներում մեկնարկում է ազդակիր հողերի օտարման գործընթացը
18-10-2020Բագրատաշենի նոր կամրջի շինարարական փուլը կմեկնարկի հողերի օտարման գործընթացից ու տարածքում առկա շինության և այլ կառուցվածքների ապամոնտաժումից հետո։
Կարդալ ավելինՄասնակցություն՝ Պամիրյան տրակտի 80-ամյակին նվիրված միջազգային գիտագործնական համաժողովին
15-10-2020Անդրադարձ է եղել մի շարք հարցերի‚ մասնավորապես՝ ճանապարհների վերանորոգման‚ պահպանման և տեխնիկական ուսումնասիրության համար կիրառվող ժամանակակից տեխնիկային‚ ճանապարհների վթարայնության մակարդակի վրա լեռնային տեղանքի ազդեցությանը և այլն։
Կարդալ ավելին