Արևշատ-Աբովյան ճանապարհի մոտ 1,5 կմ ճանապարհահատվածի վերականգնումն ավարտվել է
Արևշատ-Աբովյան ճանապարհի մոտ 1,5 կիլոմետրանոց ճանապարհահատվածում ավարտվել են վերականգնման աշխատանքները։ Ճանապարհահատվածի 1,3 կմ-ն անցնում է Արարատի մարզի Աբովյան համայնքով, իսկ մոտ 200 մետրը՝ Արևշատ համայնքով։ Շինարարական աշխատանքներն իրականացրել է «Արարատ ճանշին» ՍՊ ընկերությունը։ Աշխատանքային հանձնաժողովը սեպտեմբերի 12-ին նշված ճանապարհահատվածում իրականացրել է դիտարկում ավարտված շինարարական օբյեկտի համապատասխանությունը նախագծանախահաշվային փաստաթղթերին պարզելու նպատակով։ Հանձնաժողովն ուսումնասիրել է կատարողական փաստաթղթերը, գծագրերը, տեղում կատարել ճանապարհահատվածի զննում, ստուգիչ չափումներ։
«Տրանսպորտային ծրագրերի իրականացման կազմակերպություն» ՊՈԱԿ-ի աշխատակիցները եղան նաև Դիտակ-Ջրաշեն ավտոճանապարհի վերականգնվող մոտ 2,1 կմ ճանապարհահատվածում։ Այստեղ վերականգնման աշխատանքներն ավարտական փուլում են։
Ջրաշեն համայնքի բնակիչ Գեղամ Վարդանյանն իր երախտագիտությունն է հայտնում ճանապարհը վերականգնողներին։ «Չեք պատկերացնում՝ ինչ վիճակում էր գտնվում ճանապարհը։ Նույնիսկ մոռացել ենք, թե վերջին անգամ երբ էր այն վերանորոգվել, երևի մի 50 տարի առաջ։ Փոխվել են ամբողջ ջրագծերը։ Պետք է նաև հոգատար լինենք, խնամքով վերաբերվենք ճանապարհին, որպեսզի ավելի երկար ծառայի մեզ»,- ասաց Ջրաշենի բնակիչը։
Նշենք, որ ճանապարհահատվածները վերականգնվել են Համաշխարհային բանկի աջակցությամբ իրականացվող Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում ծրագրի շրջանակներում, իսկ աշխատանքների պատվիրատուն «Տրանսպորտային ծրագրերի իրականացման կազմակերպություն» ՊՈԱԿ-ն է:
Վերջին նորությունները
Հայտարարվել է ՏԿԵՆ-ՀԲՄԱՇՁԲ-2026/4Ս ծածկագրով մրցույթ
13-11-2026Հայտերն ընդունվում են մինչև նոյեմբերի 23-ը՝ ժամը 15.00։
Կարդալ ավելինԴասընթաց՝ FIDIC պայմանագրերի կառավարմանն ու գնման գործընթացների վերաբերյալ
13-11-2026Ճանապարհային դեպարտամենտն իրականացնում է խոշոր ենթակառուցվածքային ծրագրեր, և այդ ծրագրերը կյանքի կոչելիս կարևորվում է մասնագետների կարողությունների զարգացումը։
Կարդալ ավելինՄիջին նորոգում՝ Մ-6-ում
13-11-2026Միջին նորոգման շրջանակում կատարվել է ճանապարհային ծածկի վերին շերտի ֆրեզավորում, փոսային նորոգում։ Տեղադրվում է ասֆալտբետոնե ծածկի վերին շերտը։
Կարդալ ավելին