Մխչյան, Հովտաշեն և Նորամարգ համայնքներով անցնող ճանապարհը վերանորոգվել է

13-12-2018

Արարատի մարզի Մխչյան, Հովտաշեն և Նորամարգ համայնքներով անցնող 2,12 կմ երկարությամբ ճանապարհը վերանորոգվել է։ ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանի հրամանով ստեղծված ավարտված շինարարական օբյեկտը շահագործման ընդունող հանձնաժողովի անդամներն այցելել են Արարատի մարզ՝ դիտարկելով նշված ճանապարհի վերանորոգման աշխատանքները։

Կապալառու կազմակերպությունը՝ «Մոստովիկ» ՍՊԸ և «Մերձմոսկովյան» համատեղ ձեռնարկությունը, վերականգնել է ճանապարհի երթևեկային մասը, վերականգնել ջրահեռացման համակարգը, վերակառուցել ոռոգման ջրագիծը, կառուցել կողնակներ, կատարել մայթերի, իջատեղերի և մուտքերի կառուցման աշխատանքներ և այլն։ Նորոգվել են նաև ճանապարհի վրա գտնվող երկու կամուրջները։

Հովտաշեն համայնքի ղեկավար Սուրեն Մկրտչյանն իր շնորհակալությունն է հայտնում ճանապարհը հիմնանորոգելու համար. ավելի քան 30 տարի այն չէր վերանորոգվել։ Համայնքապետը ցույց է տալիս ճանապարհի նախկին վիճակը պատկերող լուսանկարներ ու ասում, որ վերջապես ազատվեցին փոսերից ու ցեխից։

Ավարտված շինարարական օբյեկտը շահագործման ընդունող հանձնաժողովի անդամ Ավագ Պետրոսյանը նկատում է, որ ճանապարհը վերանորոգվել է բարձր որակով, թերություններ չեն նկատվել։ «Աշխատանքները նորմալ կատարվել են, հիմա պետք է ճանապարհը լավ պահպանվի, սա կարևորագույն հարց է։ Պահպանումը համայնքի, մարզի խնդիրն է»,- ասաց պարոն Ավագյանը։

Նշենք, որ ճանապարհը վերանորոգվել է Համաշխարհային բանկի աջակցությամբ իրականացվող «Կենսական նշանակության ճանապարհային ցանցի բարելավում ծրագրի լրացուցիչ ֆինանսավորում» ծրագրի շրջանակներում, աշխատանքների պատվիրատուն «Տրանսպորտային ծրագրերի իրականացման կազմակերպություն» ՊՈԱԿ-ն է:

 

Վերջին նորությունները

Հյուսիս-հարավ ճանապարհային միջանցքի Տրանշ-3-ում շինարարությունը շարունակվում է

20-10-2020

Ճանապարհաշինության ոլորտի պատասխանատուները հանդիպել են շինարարության տեխնիկական վերահսկողությունն իրականացնող կազմակերպության՝ «ԱյԱրԴի Ինջինիերինգ» ընկերության աշխատանքային թիմի նոր անձնակազմի հետ՝ Փոլ Կլարկի ղեկավարությամբ։

Կարդալ ավելին

Բագրատաշենի նոր կամրջի կառուցման շրջանակներում մեկնարկում է ազդակիր հողերի օտարման գործընթացը

18-10-2020

Բագրատաշենի նոր կամրջի շինարարական փուլը կմեկնարկի հողերի օտարման գործընթացից ու տարածքում առկա շինության և այլ կառուցվածքների ապամոնտաժումից հետո։

Կարդալ ավելին

Մասնակցություն՝ Պամիրյան տրակտի 80-ամյակին նվիրված միջազգային գիտագործնական համաժողովին

15-10-2020

Անդրադարձ է եղել մի շարք հարցերի‚ մասնավորապես՝ ճանապարհների վերանորոգման‚ պահպանման և տեխնիկական ուսումնասիրության համար կիրառվող ժամանակակից տեխնիկային‚ ճանապարհների վթարայնության մակարդակի վրա լեռնային տեղանքի ազդեցությանը և այլն։

Կարդալ ավելին