Տավուշի մարզի Հ36- Մովսես-Չորաթան-Նորաշեն, կմ 0+000 – կմ5+587 (5,587 կմ) և Հ64- Բերդ-Այգեձոր-Չինարի, կմ 0+000 – կմ4+540 (4,54 կմ) ճանապարհահատվածները հանվել են թերությունների համար պատասխանատվության (երաշխիքային) ժամկետից։ Այդ ճանապարհները վերականգնվել էին 2018թ. ընթացքում և մեկ տարի շարունակ‚ ըստ պայմանագրի‚ գտնվում էին թերությունների համար պատասխանատվության ժամկետում։ Այս ճանապարհները մարզային նշանակության են և երաշխիքային ժամկետից հանելուց հետո հանձնվել են Տավուշի մարզպետարանին։ Նշված ճանապարհահատվածները վերականգնվել են «Տրանսպորտային ծրագրերի իրականացման կազմակերպություն» ՊՈԱԿ-ի Կենսական նշանակության ճանապարհային ցանցի բարելավման լրացուցիչ ֆինանսավորում ծրագրի շրջանակներում։

Ի դեպ, նշված երկու ճանապարհները շահագործման հանձնելուց մեկ տարի անց էլ գտնվում էին այն վիճակում, կարծես վերականգնման աշխատանքները նոր-նոր են այստեղ ավարտվել։ Համայնքների բնակիչները, տեղական ինքնակառավարման մարմինները խնամքով են վերաբերվում ճանապարհներին, մաքրում վաքերը՝ քաջ գիտակցելով, որ նաև իրենց հոգատարությամբ է պայմանավորված ճանապարհների երկարակեցությունը։