Քննարկում Աշտարակի համայնքապետարանում

14-03-2022

«Ճանապարհային դեպարտամենտ» հիմնադրամի սոցիալական ազդեցությունների կառավարման ծառայության ղեկավար Լիլիթ Դիլանյանը և Հյուսիս-հարավ ճանապարհային միջանցքի Տրանշ-2 ծրագրի ինժեներ Կարեն Բաբայանը մասնակցել են Աշտարակի համայնքապետարանում կազմակերպված հանդիպմանը, որի ընթացքում քննարկվել են Ագարակ համայնքի մոտ հնագիտական տեղանքը շրջանցող 8կմ ավտոճանապարհի նախագծի օտարման գոտու սահմաններում հայտնված հողամասերի կադաստրային անճշտությունների խնդիրը և շտկման ուղղությամբ ձեռնարկված քայլերը:

Հանդիպմանը ներկա էին Աշտարակի համայնքապետ Թովմաս Շահվերդյանը, համայնքապետարանի, Ագարակ, Ոսկեվազ, Ուջան, Աղձք բնակավայրերի ներկայացուցիչներ։

Նշենք, որ հողամասերի փաստացի չափագրման, ձեռք բերված կադաստրային քարտեզների և դաշտային տվյալների համադրման և ուսումնասիրության, ինչպես նաև համայնքների ղեկավարների, հողամասի սեփականատերերի հետ քննարկումների, վերլուծությունների արդյունքում պարզվել է, որ Ագարակ և Աղձք բնակավայրերի մի շարք հողամասերի հետ առկա են խնդիրներ: Մասնավորապես, կան հողամասի փաստացի դիրքի և չափերի անհամապատասխանություն կադաստրային քարտեզում նշված դիրքի և չափերի միջև, կան հողամասերի սեփականատերերի հետ կապված, ինչպես նաև այլ անճշտություններ։

Ծրագրի շրջանակներում ներգրավված խորհրդատու կազմակերպության կողմից չափագրման արդյունքները ներկայացվել են Կադաստրի կոմիտե, որն էլ կատարված աշխատանքն ընդունել է ի գիտություն։

Ներկաները համաձայնություն են ձեռք բերել համագործակցել շտկման գործընթացի ուղղությամբ։ Համայնքապետը հայտնել է իր պատրաստակամությունը՝ աջակցելու խնդիրները լուծելու գործում։

Հանդիպման ընթացքում անդրադարձ է եղել օտարման և տարաբնակեցման գործընթացի հիմնական փուլերին։

Ներկայացվել է նաև Ագարակ համայնքի մոտ հնագիտական տեղանքը շրջանցող 8կմ ճանապարհի նախագիծը։ Ներկաները բարձրացրել են մի շարք հարցեր, մասնավորապես գյուղտեխնիկայի և անասնանցումների, շրջադարձերի, մուտքերի, ոռոգման խողովակների տեղադիրքերի վերաբերյալ, որոնց առնչությամբ տրվել են համապատասխան պարզաբանումներ:

Վերջին նորությունները

Այս տարի 20 վթարավտանգ կետերում կիրականացվեն երթևեկության անվտանգության բարելավման միջոցառումներ

07-02-2023

Երթևեկության անվտանգության ապահովման միջոցառումները «Ճանապարհային դեպարտամենտ» հիմնադրամն իրականացնում է Հայաստանի ճանապարհային անվտանգության բարելավման ծրագրի շրջանակներում՝ Եվրոպական ներդրումային բանկի տրամադրած դրամաշնորհային միջոցներով։

Կարդալ ավելին

Մ-6 միջպետական ճանապարհի հիմնանորոգումն ավարտական փուլում է

06-02-2023

Հիմնանորոգված ճանապարհը կբարելավի նաև տարածաշրջանի բնակիչների կյանքի որակը, կավելանան տուրիստական հոսքերը, երթևեկության ինտենսիվությունը, կմեծանա բեռնափոխադրումների ծավալը։

Կարդալ ավելին