Մարալիկ-Քարաբերդ-Ձիթհանքով վերականգնված ճանապարհի վրա որպես փորձնական մոդել կատարվել են շինարարական, միաժամանակ ընթացիկ ամառային և ձմեռային պահպանման աշխատանքներ

14-11-2019

Համաշխարհային բանկի աջակցությամբ իրականացվող Կենսական նշանակության ճանապարհային ցանցի բարելավման ծրագրի շրջանակներում‚ բացի ընդունված շինարարական աշխատանքների կապալի պայմանագրերից, որպես նորամուծություն ճանապարհաշինության ոլորտում որոշվել է շինարարական աշխատանքների պայմանագրերի նոր մոդելներ կիրառել։ Ըստ այդմ‚ միևնույն պայմանագրի շրջանակներում իրականացվում է միաժամանակ շինարարություն, իսկ շինարարության ավարտից հետո` վերականգնված ճանապարհի պահպանում երկու տարի ժամկետով:

Այս հանգամանքն ավելի է բարձրացնում կապալառուների պատասխանատվությունը կատարվող աշխատանքի որակի նկատմամբ։ Լինելով միաժամանակ և՜ շինարարություն, և՜ պահպանում իրականացնող՝ կապալառուն շահագրգիռ է շինարարության առավել որակյալ ու պատշաճ կատարման գործում: Առաջին անգամ այս մոդելը փորձարկվել է 2013-2014թթ. մեկ ճանապարհի նկատմամբ: Արձագանքը դրական էր‚ և ծրագրի լրացուցիչ ֆինանսավորման շրջանակներում նույնպես որոշվեց կիրառել այս մոդելը, սակայն այս անգամ՝ 2 ճանապարհների նկատմամբ:

2017 թվականին վերականգնված Մարալիկ-Քարաբերդ-Ձիթհանքով մոտ 11 կմ երկարությամբ ճանապարհահատվածն այդ ընտրված երկու ճանապարհներից մեկն է: Ճանապարհի վրա երկու տարվա ընթացքում կապալառու կազմակերպությունների կողմից իրականացվել են ընթացիկ ամառային և ձմեռային պահպանման աշխատանքներ։ Շինարարությունը նշված ճանապարհահատվածում ավարտվել էր 2017թ. օգոստոսի 16-ին‚ իսկ ընթացիկ ամառային և ձմեռային պահպանման աշխատանքների ավարտը նախատեսված է սույն թվականի նոյեմբերի 15-ին։

Նոր մոդելը նպաստում է ճանապարհի երկարակեցությանը‚ անվտանգ շահագործմանը‚ ինչը հնարավորություն է տալիս ցանկացած եղանակի ապահովել ճանապարհի անցանելիությունն ու անխափան երթևեկությունը։

Նշենք‚ որ Կենսական նշանակության ճանապարհային ցանցի բարելավման ծրագրի շրջանակներում վերականգնված մյուս ճանապարհահատվածները‚ ըստ պայմանագրի‚ շահագործման հանձնելուց հետո մեկ տարվա ընթացքում գտնվում են թերությունների համար պատասխանատվության ժամկետում‚ և այդ ժամկետում առաջացած թերությունների վերացման պատասխանատվությունը կրում է կապալառուն, ինչը նշանակում է, որ թերությունների ի հայտ գալու դեպքում կապալառուն անհապաղ վերացնում է դրանք:

 

Վերջին նորությունները

Աշխատանքներ են տարվում ճանապարհային անվտանգության բարելավման ուղղությամբ

28-06-2022

Տարվող աշխատանքները նպատակ ունեն կանխելու ճանապարհատրանսպորտային պատահարների աճը։

Կարդալ ավելին

Հայտարարվել է 4 վթարավտանգ հատվածների բարելավման շինաշխատանքների ձեռքբերման բաց մրցույթ

28-06-2022

Մրցութային հայտերի ներկայացման վերջնաժամկետն է 2022թ. հուլիսի 25-ը՝ ժամը 16:00 (Երևանի ժամանակով)։

Կարդալ ավելին

Հիմնանորոգվում է Հ-36, /Մ-4/ (Իջևան)- Նավուր-Բերդ-Այգեպար ճանապարհի 28կմ հատվածը

24-06-2022

Շինաշխատանքները կատարում է «Խաչհար» ՍՊԸ-ն։ Այս պահին շինարարն իրականացնում է հողային, ջրահեռացման համակարգի կառուցման աշխատանքներ։

Կարդալ ավելին