Հայաստանի ճանապարհային անվտանգության բարելավման ծրագրի շրջանակում Շիրակի մարզի Արթիկ խոշորացված համայնքով անցնող Հ-69 /Հ-21/ Հառիճ ավտոճանապարհի կմ1+100 հատվածում իրականացվել են վթարավտանգ հատվածի բարելավման աշխատանքներ։ Վթարավտանգ հատվածը գտնվում է Հառիճ բնակավայրում։ Մասնավորապես, կատարվել է խիստ անբարեկարգ վիճակում գտնվող երթևեկային մասի, ջրահեռացման կարգավորում, կառուցվել են մայթեր, ինչպես նաև իրականացվել է 200 գծմետր ասֆալտապատում, նշագծում։ Ծրագիրը կարևոր է նաև զբոսաշրջության զարգացման առումով. ճանապարհը տանում է դեպի նշանավոր Հառիճավանք։

 

Իրականացված աշխատանքները ոչ միայն կնպաստեն տվյալ հատվածում վթարների թվի նվազեցմանը, այլև զբոսաշրջության զարգացմանը։ Այս ճանապարհով է անցնում դեպի Հառիճավանք միջնադարյան վանական համալիր տանող ճանապարհը։

 

Վթարավտանգ հատվածի բարելավման աշխատանքները կատարել է «Արհովշին» ընկերությունը։

 

Հայաստանի ճանապարհային անվտանգության բարելավման ծրագիրն իրականացվում է «Ճանապարհային դեպարտամենտ» հիմնադրամի կողմից և Եվրոպական ներդրումային բանկի տրամադրած դրամաշնորհային միջոցներով։