Ավարտվել են Տավուշի մարզի Իջևան քաղաքի Մայիսի 28-ի փողոցի մի հատվածի վերանորոգման աշխատանքները։ «ԱրտԱրս» ՍՊԸ-ի կողմից կատարվել են հողային աշխատանքներ‚ հենապատի նորոգում‚ մայթերի‚ գաբիոնային պատի կառուցում‚ տեղադրվել են բազրիքներ‚ ջրահեռացման համակարգ‚ 10 սմ հաստությամբ երկշերտ ասֆալտբետոնե ծածկ (6 սմ խոշորահատիկ ասֆալտ‚ 4 սմ մանրահատիկ ասֆալտ)‚ ճանապարհն ապահովվել է անվտանգության տարրերով‚ կատարվել են նաև այլ աշխատանքներ։

Տեղի բնակիչները նշում են‚ որ Մայիսի 28-ի փողոցը կառուցվել է 1970-ական թվականներին և այս տարի առաջին անգամ նորոգվել է։

Վերանորոգումը կատարվել է ՀՀ պետական բյուջեի հատկացումներով։