ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Բագրատ Բադալյանի մոտ տեղի է ունեցել քննարկում Բագրատաշենի սահմանային հսկողության անցակետի նոր կամրջի շինարարության ծրագրի վերաբերյալ։

«Տրանսպորտային ծրագրերի իրականացման կազմակերպություն» ՊՈԱԿ-ի գլխավոր տնօրենի պաշտոնակատար Քրիստինե Ղալեչյանը, ծրագրի ղեկավար Աստղիկ Սահակյանը և ՊՈԱԿ-ի ճանապարհային ենթակառուցվածքների առաջատար ինժեներ Արթուր Սանոյանը փոխնախարարին են ներկայացրել ծրագրի շրջանակներում իրականացվող աշխատանքների ընթացքը։ Մասնավորապես, անդրադարձ է կատարվել Բագրատաշենի նոր կամրջի հատակագծին, տեղադիրքին, կամրջի երկայնական պրոֆիլին առնչվող, ինչպես նաև այլ հարցերի։