Մ6‚ Վանաձոր-Ալավերդի-Վրաստանի սահման միջպետական ավտոճանապարհի Հաղպատ-Բագրատաշենի սահմանային անցակետ հատվածում (լոտ-3) հիմնանորոգման աշխատանքներ է իրականացնում իտալական «Սուարդի» ընկերությունը։ Մոտ 27.9 կմ ընդհանուր երկարություն ունեցող ճանապարհահատվածում կապալառուն այս պահին կատարում է հողային‚ հենապատի կառուցման աշխատանքներ։

2020թ. մարտի վերջի դրությամբ «Սուարդի» ընկերությունն իրականացրել է 40.2 հազար խմ հողային‚ 5.9 հազար խմ հորատապայթեցման աշխատանքներ‚ 114.4 քմ ասֆալտբետոնե ծածկի ֆրեզավորում‚ 1600 քմ փոսային նորոգում‚ 20.7 հազար քմ ավազակոպճային ենթահիմքի կառուցում‚ 172 գծամետր ջրահեռացման երկաթբետոնե խողովակների կառուցում‚ 477 գծամետր հենապատերի կառուցում‚ 825 գծամետր բետոնե վաքերի տեղադրում և այլ աշխատանքներ։